ԱԺ այսօրվա նիստում «Պետական տուրքի մասին օրենքում» փոփոխություններ կատարելու մասին օրինագծի՝ երկրորդ ընթերցմամբ եւ ամբողջությամբ ընդունելու քվեարկությունից ասաց «Իմ քայլը» խմբակցության ղեկավար Լիլիթ Մակունցն ԱԺ նախագահությունից 20 րոպե ընդմիջում խնդրեց:
Նիստի վերսկսումից հետո խմբակցության պատգամավոր, Տնտեսական հարցերի մշտական հանձնաժողովի նախագահ Բաբկեն Թունյանը, ներկայացնելով ընդմիջում խնդրելու պատճառը, տեղեկացրեց՝ ԱԺ-ի մոտ բողոքի ցույց են անում շինարարական կազմակերպություններ եւ կառուցապատողներ:
«Նրանք ասում են, որ մենք իրավունք չունենք վեց ամսից շուտ ուժի մեջ մտցնել այս օրենքը, եւ որ մենք դա մտադիր ենք անել օրենքի խախտմամբ: Մենք օրենքի խախտմամբ ոչինչ չենք անում: Մենք կհանդիպենք նրանց հետ, կհիմնավորենք, թե ինչու եւ ինչի համար ենք անում այդպես»,-վստահեցրեց Բաբկեն Թունյանը: Հավելենք, որ նշյալ օրինագիծն ԱԺ-ն ընդունեց 85 «կողմ», «16» դեմ եւ 3 «ձեռնպահ» ձայներով: Հիշեցնենք, որ այս օրինագիծը ՀՀ ներմուծվող ցեմենտի մեկ տոննայի համար սահմանում է պետտուրք՝ 14 000 դրամի չափով՝ նախկին 22.000-ի փոխարեն:
Լուիզա ՍՈՒՔԻԱՍՅԱՆ
Կարդացեք նաև
