Հունիսի 3-ին Միլանի Արդարադատության պալատում սկսվել է Եվրոպայի խորհրդի մարդու իրավունքնների և իրավական հարցերի խորհրդարանական կոմիտեի նախկին նախագահ Լուկա Վոլոնտեի դատավարությունը: Վերջինս մեղադրվում է ԵԽԽՎ մյուս պատգամավորներին գնելու նպատակով Ադրբեջանից խոշոր չափի կաշառք վերցնելու մեջ:
Ադրբեջանական «Թուրան» գործակալությունը, տեղեկացված աղբյուրներին հղում անելով, գրում է, որ մեղադրող կողմից դատավարությանը որպես փորձագետ մասնակցում է ԵՄ-ում Ադրբեջանի ներկայացուցչության նախկին ղեկավար, Եվրախորհրդում մշտական ներկայացուցիչ Արիֆ Մամեդովը:
Անվտանգության նկատառումներից ելնելով՝ դատարանի շուրջ և հենց Վոլոնտեի նկատմամբ անվտանգության աննախադեպ միջոցներ են ձեռնարկվել:
Իտալացի պատգամավոր Լուկա Վոլոնտեն «խավիարային դիվանագիտության» սկանդալի մասնակիցներից է: Նա մեղադրվում է Ադրբեջանից 2.3 մլն եվրո ստանալու մեջ: Այդ գումարը նա ծախսել է ԵԽԽՎ մի շարք պատգամավորների կաշառելու համար, որպեսզի տապալեն Ադրբեջանի քաղբանտարկյալների մասին զեկույցը 2013թ. հունվարին:
Կարդացեք նաև
2016թ. Միլանի դատախազությունը քննություն է սկսել Վոլոնտեի նկատմամբ՝ նրա դեմ մեղադրանք առաջադրելով:
Պատրաստեց՝ Վիկտորյա ԱՆԴՐԵԱՍՅԱՆԸ
