Արփինե Դավոյանի խոսքով՝ «Յուրաքանչյուր խորհրդարանական պետք է իր ներդրումն ունենա դրանց զարգացման եւ ամրապնդման համար: Մենք պետք է ձեռնարկենք բոլոր անհրաժեշտ միջոցները՝ երաշխավորելու համար տղամարդկանց եւ կանանց հավասարության գաղափարի վրա հիմնված համընդհանուր հասանելիությունը դեպի առողջապահական ծառայություններ՝ ներառելով այն ծառայությունները, որոնք վերաբերում են ընտանիքի պլանավորմանը եւ սեռական առողջությանը»:
Այսօր ԱԺ-ում «Հակաբեղմնավորիչների եվրոպական ատլասի ներկայացում» թեմայով քննարկում էր կազմակերպվել: Այն նախաձեռնել էր ԱԺ առողջապահության եւ սոցիալական հարցերի հանձնաժողովը:
«Իմ քայլը» խմբակցության անդամ, հանձնաժողովի անդամ Արփինե Դավոյանն ասաց, որ «Վերարտադրողական եւ սեռական իրավունքի եվրոպական պառլամենտական ֆորումի» ներկայացուցիչներին են հյուրընկալել, իսկ ֆորումը այն հարթակն է, որտեղ քննարկվում են գենդերային հավասարության, կանանց դերի հզորացման, ընտանիքի, բնակչության կրթության եւ զարգացման վերաբերյալ հարցերը:
Դավոյանի խոսով՝ «Դրանք առողջ հասարակություն ունենալու կարեւորագույն բաղադրիչներից են: Յուրաքանչյուր խորհրդարանական պետք է իր ներդրումն ունենա դրանց զարգացման եւ ամրապնդման համար: Մենք պետք է ձեռնարկենք բոլոր անհրաժեշտ միջոցները՝ երաշխավորելու համար տղամարդկանց եւ կանանց հավասարության գաղափարի վրա հիմնված համընդհանուր հասանելիությունը դեպի առողջապահական ծառայություններ՝ ներառելով այն ծառայությունները, որոնք վերաբերում են ընտանիքի պլանավորմանը եւ սեռական առողջությանը: Կանայք կարող են ընդունել խտրականությունից, բռնությունից զերծ վերարտադրողականությանը վերաբերող որոշումներ»:
Կարդացեք նաև
Նա ասաց, որ վերարտադրողականության մասին ծառայություններն ու տեղեկատվությունը պետք է հասանելի լինեն բոլորին, պետք է կանխվեն անցանկալի հղիությունները:
Հռիփսիմե ՋԵԲԵՋՅԱՆ
