Երեւանի քաղաքապետարանի տեղեկատվության եւ հասարակայնության հետ կապերի վարչության պետ Հովսեփ Կուբատյանը երեկ տեղեկացրել էր. «Վերջին մի քանի օրերին համայնքային «Կարմիր բլուր» գերեզմանատանը կրկնվել են գերեզմանների պղծման դեպքերը։ «Բնակչության հատուկ սպասարկում» ՀՈԱԿ-ի տնօրինությունը դիմել է ոստիկանություն»:
«Կարմիր բլուր» գերեզմանատանը տեղի ունեցած պղծման դեպքով մեկ անձ բերման է ենթարկվել: «Երկիրն այսօր»-ին հայտնել է ոստիկանության լրատվական վարչության պետի տեղակալ Էդգար Ջանոյանը: Հիշեցնենք, որ ավելի վաղ նմանատիպ դեպք էր տեղի ունեցել նաեւ «Եռաբլուր»-ում ու այլ գերեզմանատներում, ինչի առթիվ մի կին էր բերման ենթարկվել, այնուհետեւ ազատ արձակվել՝ ստորագրությամբ: Աղբյուրի տեղեկություններով՝ նոր դեպքով էլ բերման ենթարկվածը նույն կինն է:
