Քիչ առաջ ավարտվել է Վալերիյ Օսիպյանի հանդիպումը ոստիկանության ղեկավար կազմի հետ։ Օսիպյանը հրաժեշտ է տվել գործընկերներին, ամփոփել իր պաշտոնավարման ընթացքում կատարված աշխատանքները։ Այս մասին լրագրողների հետ զրույցում հայտնեց ոստիկանության լրատվության եւ հասարակայնության հետ կապերի վարչության պետ Աշոտ Ահարոնյանը։ Նա, սակայն, չասաց, թե ինչու է Օսիպյանն ազատվել պաշտոնից։
Ահարոնյանը նշեց, որ Օսիպյանի տրամադրությունը բարձր է եղել, նա պատրաստակամություն է հայտնել անհրաժեշտության դեպքում իր ներուժը ծառայեցնել համակարգին։
Կարդացեք նաև
Ուղիղ միացում ոստիկանության գլխավոր շենքի դիմացից
Gepostet von Aravot am Mittwoch, 18. September 2019
Աշոտ Ահարոնյանի փոխանցմամբ` ոստիկանության պետի լիազորությունների կատարումը ժամանակավորապես տրված է առաջին տեղակալ Արման Սարգսյանին։ Ահարոնյանը նաեւ չհստակեցրեց, թե արդյոք Օսիպյանն աշխատանքից ազատվելու դիմում գրել է, թե ոչ։
Հիշեցնենք, որ հիմք ընդունելով վարչապետ Նիկոլ Փաշինյանի առաջարկը, ՀՀ նախագահը ստորագրել է Օսիպյանին աշխատանքից ազատելու հրամանագիրը։
Լուիզա ՍՈՒՔԻԱՍՅԱՆ
