Հազար խոշոր հարկատուների ցանկում հայաստանյան խոշոր բանկերը նախորդ տարվա համեմատությամբ ուշագրավ տեղաշարժեր են արձանագրել:
Այս մասին տեղեկանում ենք խոշոր հարկատուների ցանկից, որը հրապարակել է Պետական եկամուտների կոմիտեն: Ցանկում արտացոլված են հունվար-հունիս ամիսներին հարկատուների կողմից վճարված հարկերը: Այսպես, նախորդ տարվա` 2018-ի համեմատությամբ, այս տարվա առաջին վեց ամիսներին հարկատուների ցանկում իր դիրքերը բարելավել է Ամերիաբանկը: 2018-ի հունվար-հունիս ամիսներին այս բանկը եղել է ցանկի 19-րդ տեղում` վճարելով 3 միլիարդ 751 միլիոն 190 հազար դրամ: Այս տարվա նույն ժամանակահատվածում Ամերիաբանկը գտնվում է 11-րդ տեղում եւ պետբյուջե է վճարել է 5 միլիարդ 137 միլիոն 964 հազար դրամ:
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ-ը անցյալ տարի եղել է ցանկի 22-րդ տեղում եւ վճարել է 3 միլիարդ 604 միլիոն 997 հազար դրամ: Այս տարի`
17-րդ հորիզոնականում է եւ պետության վճարած հարկերն էլ կազմել են 3 միլիարդ 803 միլիոն 173 հազար դրամ:
Կարդացեք նաև
Անցյալ տարվա ցանկի 31-րդ տեղում ԱՐԴՇԻՆԲԱՆԿ-ն է եղել, որը պետությանը վճարել է 2 միլիարդ 552 միլիոն դրամ հարկ: Սակայն այս տարի նշյալ բանկը զիջել է դիրքերը` հայտնվելով 41-րդ տեղում: ԱՐԴՇԻՆԲԱՆԿ-ը վճարել է 2 միլիարդ 143 միլիոն 258 հազար դրամ:
2018-ին ցանկի 33-րդ տեղում եղել է ՎՏԲ-ՀԱՅԱՍՏԱՆ ԲԱՆԿ-ը, որը պետբյուջե է վճարել 2 միլիարդ 403 միլիոն 104 հազար դրամ:
ՎՏԲ-ՀԱՅԱՍՏԱՆ ԲԱՆԿ-ը, սակայն, այս տարի 120-րդ հորիզոնականում է, վճարած հարկերն էլ` 767 միլիոն 400 հազար դրամ:
Այս տարի ցանկի 34-րդ տեղում Ինեկոբանկն է: Առաջին վեց ամիսներին այս բանկը վճարել է 2 միլիարդ 457 միլիոն 213 հազար դրամ հարկ: Ինեկոբանկը, սակայն, անցյալ տարի ավելի բարենպաստ դիրքերում է եղել, վճարած հարկերն էլ ավելի շատ: 2018-ին բանկը 27-րդ հորիզոնականում էր եւ վճարել էր 2 միլիարդ 945 հազար 790 միլիոն դրամ հարկ:
ՀԱՅԲԻԶՆԵՍԲԱՆԿ-ը դիրքերը բարելավել է: Նախորդ տարի բանկը վճարել է 2 միլիարդ 191 միլիոն 31 հազար դրամ` գտնվելով ցանկի 36-րդ տեղում: Այս տարի 28-րդ տեղում է, վճարած հարկերն էլ` 2 միլիարդ 823 միլիոն 336 հազար դրամ:
ԿՈՆՎԵՐՍ ԲԱՆԿ-ը նույնպես ցանկում դիրքերը զիջել է. անցյալ տարվա 37-րդ տեղից բանկն այս տարի հայտնվել է 43-րդ տեղում: Սակայն վճարած հարկերը չեն պակասել, ավելացել են: 2018-ին պետական բյուջե է վճարել 2 միլիարդ 36 միլիոն 843 հազար դրամ հարկ, այս տարի` 2 միլիարդ 48 միլիոն 880 հազար դրամ հարկ:
2018-ին ցանկի 68-րդ տեղում ՅՈՒՆԻԲԱՆԿ-ն է եղել, որի վճարած հարկերը կազմել են 1 միլիարդ 117 միլիոն 426 հազար դրամ: Այս տարվա նույն ժամանակահատվածում այս բանկը գտնվել է ցանկի 75-րդ տեղում, բայց ավելի շատ հարկ է վճարել` 1 միլիարդ 371 միլիոն 351 հազար դրամ:
Նախորդ տարի ցանկի 50-րդ հորիզոնականում ՀԱՅԷԿՈՆՈՄԲԱՆԿ է եղել` իր վճարած 1 միլիարդ 427 միլիոն 509 հազար դրամ հարկերով: ՀԱՅԷԿՈՆՈՄԲԱՆԿ–ը, սակայն, 57-րդ տեղում է եւ վճարել է 1 միլիարդ 628 միլիոն 046 հազար դրամ:
ԱՐՄՍՎԻՍԲԱՆԿ-ը 2018-ին եղել է հարկատուների ցանկի 65-րդ հորիզոնականում եւ պետական բյուջե վճարել է 1 միլիարդ 139 միլիոն 752 հազար դրամ: 2019-ին մի քանի հորիզոնականով դիրքերը բարելավել է` հայտնվելով 56-րդ տեղում, ավելացել են նաեւ այս բանկի վճարած հարկերը` 1 միլիարդ 634 միլիոն 303 հազար դրամ:
ԱՐԱՐԱՏԲԱՆԿ-ը նախորդ տարի վճարել է 1 միլիարդ 75 միլիոն 337 հազար դրամ` գտնվելով ցանկի 71-րդ տեղում: Բանկն այս տարի 77-րդ հորիզոնականում է 1 միլիարդ 345 միլիոն 275 հազար դրամ վճարած հարկերով:
Հարկատուների ցանկի 87-րդ տեղից այս տարի ԱՅԴԻ ԲԱՆԿ-ը հայտնվել է 119-րդ տեղում: Նախորդ տարի բանկը վճարել է 941 միլիոն 017.0 հազար դրամ, այս տարի` 769 միլիոն 781 հազար դրամ հարկ:
ՄԵԼԼԱԹ ԲԱՆԿ-ը 2018 թվականին զբաղեցրել է հարկատուների ցանկի 152-րդ հորիզոնականը, վճարած հարկերն էլ կազմել են 513 միլիոն 573.1 հազար դրամ: Այս տարի բանկը մի փոքր դիրքերը բարելավել է եւ հայտնվել 145-րդ տեղում` վճարելով 614 միլիոն 681 հազար դրամ:
Լուսինե ԲՈՒԴԱՂՅԱՆ
«Առավոտ» օրաթերթ
18.09.2019
