Կալիֆորնիայի «Կոմիտաս» երգչախումբը՝ Հայաստանում եւ Արցախում

Կալիֆորնիայի հայ երիտասարդաց միության «Կոմիտաս» երգչախումբն ամփոփեց համերգային շրջագայությունը (սեպտեմբերի 14֊ին «Կոմիտաս» երգչախումբը համերգային ծրագրով կրկին Հայաստան էր ժամանել)։

Համերգին մասնակցում էր խմբի 34 անդամ՝ խմբավար Միքայել Ավետիսյանի գլխավորությամբ։ Խմբի մեջ էին նաեւ միության ատենապետ Արա Մարտիրոսյանը եւ երգչախմբի կազմակերպչական մասն իրականացնող ամուսիններ Վարանդ եւ Քրիստինե Հովնանյանները։

Առաջին համերգը Երեւանում էր, երկրորդը՝ Վանաձորում, իսկ վերջին կանգառը՝ Ստեփանակերտում։ Երեւանում երգչախմբին տրվեցին Կոմիտաս վարդապետի անվան մեդալ, շնորհակալագրեր։

Արցախի սիրտ Ստեփանակերտի մշակույթի եւ երիտասարդության պալատում տեղի ունեցած համերգը սպասված եւ ստացված էր։ Հայրենիքում երգչախմբի կազմակերպչական մասն ապահովել են Հայաստանի երաժշտական ընկերությունը եւ «Նաիրի» համահայկական հիմնադրամի ղեկավար, մշակույթի գործիչ Սամվել Հարոյանը։

Ստեփանակերտի մշակույթի եւ երիտասարդության պալատում տեղի ունեցած համերգին ներկա էին ԱՀ մշակույթի, երիտասարդության հարցերի եւ զբոսաշրջության նախարար Լեռնիկ Հովհաննիսյանը, նախարարության այլ աշխատակիցներ, մշակույթի գործիչներ Նինա Գրիգորյանը, Գեւորգ Մուրադյանը, Ռաուլ Բաբայանը եւ այլք։ ԱՀ ՄԵհԶ նախարար Լեռնիկ Հովհաննիսյանը երգչախմբին պարգեւատրեց շնորհակալագրերով։

Կարդացեք նաև

«Արցախցիները մտահոգված են, նույնիսկ մեզնից պահանջում են այնպիսի քայլեր, որոնք մեր լիազորությունների հետ կապ չունեն»․ Լեռնիկ Հովհաննիսյան

• 14:24 08.12.2025

«Արցախի մշակութային ժառանգությունը կործանման վտանգի առաջ է, Ադրբեջանը հատել է բոլոր կարմիր գծերը, ոչ մի միջազգային կոնվենցիա այլեւս իրեն չի հետաքրքրում»․ Լեռնիկ Հովհաննիսյան

• 15:31 18.11.2025

Ադրբեջանը հրդեհներն օգտագործում է հայկական բնակավայրերի ոչնչացման համար. Լեռնիկ Հովհաննիսյան. «168 ժամ»

• 11:02 31.07.2025

Հայ հոգեւոր երաժշտությունը սփյուռքում պահպանող հայ երգչախմբի հասցեին գովեստի խոսքեր հնչեցրին մշակույթի հայտնի դեմքեր։ Արցախցի հանդիսատեսն ապացուցեց, որ կարող է մեծ լսարան հանդիսանալ ազգանպաստ ցանկացած միջոցառման, հայ մշակույթը պահպանող, Կոմիտաս Վարդապետի անունը կրող հայ երաժշտախմբի համար։ Արցախցի աղջիկներին գեղեցիկ կատարում նվիրեց խմբի մենակատար Միքայել Արաբյանը՝ «Դու իմ հպարտ հայ աղջիկ» երգով։

Համերգի փակման խոսքը կարդաց երգչախմբի անդամ եւ կազմակերպիչ Քրիստինե Հովնանյանը։

Երգչախմբի շրջագայության կանգառներից մեկն էլ «Սոսե» մանկատունն էր, որտեղ խումբը գումար նվիրաբերեց մանկապարտեզին։ Երգչախումբը վերադարձի ճամփին անակնկալ հանդիպում ունեցավ ԱՀ նախագահ Բակո Սահակյանի հետ եւ այդ պատմական պահն անմահացավ լուսանկարով։

Աննա ՍԱՀԱԿՅԱՆ

«Առավոտ» օրաթերթ
01.10.2019