Ավելի քան 200 փորձագետ Հայաստանից, ԱՄՆ-ից, Լեհաստանից, Գերմանիայից, Ավստրիայից, Մալազիայից, Հորդանանից, Օմանից, Եգիպտոսից, Լիբանանից, Ղազախստանից և այլ երկրներից ներկայացրեցին իրենց գաղափարները և փորձառությունը նոյեմբերի 1-2-ը Երևանում կայացած Մարդկային ռեսուրսների կառավարման տարածաշրջանային 8-րդ համաժողովին։ Cascade People & Business ընկերության և Հայաստանի ՄՌ Ասոցիացիայի համատեղ ջանքերով, Հայաստանում արդեն 8-րդ անգամ կազմակերպվեց մարդկային ռեսուրսների կառավարմանը նվիրված տարածաշրջանային համաժողովը, որի խորագիրն էր «Աշխատանքի ապագան»։ Համաժողովի գլխավոր գործընկերները «Գալաքսի» ընկերությունների խումբն էր ու ՎՏԲ-Հայաստան Բանկը։
«Այս տարի արդեն 8-րդ անգամ մենք կազմակերպում ենք այս համաժողովը, և արդյունքները միայն ուրախացնում են։ Մենք անդրադարձանք մեր համայնքին հուզող հարցերին, միասին աշխատեցինք, փոխանակվեցինք փորձով, զինվեցինք նոր գիտելիքներով և մշակեցինք գործողությունների պլան յուրաքանչյուր ոլորտի զարգացման համար։ Տարեցտարի համաժողովն ավելի ու ավելի լայն ճանաչում է ստանում ինչպես Հայաստանում, այնպես էլ նրա սահմաններից դուրս՝ ընդլայնելով իր աշխարհագրությունը։ Նշեմ, որ մյուս տարվա թեման ևս կընտրվի մասնակիցների կողմից»,- նշել է Հայաստանի ՄՌ Ասոցացիայի նախագահ, Cascade People & Business ընկերության հիմնադիր Արփի Կարապետյանը։
Այս տարվա համաժողովն անցավ դասախոսությունների և աշխատանքային խմբերի ձևաչափով, իսկ համաժողովի երկրորդ օրվա ընթացքում ՄՌ մասնագիտական համայնքը, հիմնվելով Համաշխարհային տնտեսական ֆորումի հրապարակած տվյալների, ոլորտի փորձագետների և մեր սեփական մասնագիտական փորձի վրա, դուրս բերեց ոլորտի հիմնահարցերը և զարգացման հնարավոր ուղիները։
«Որպես Հայաստանի առաջատար գործատուներից մեկը, մեր թիմի համար անչափ կարևոր էր գործընկերների հետ մեր փորձառությամբ ու գիտելիքով կիսվելը, սովորելն ու սովորեցնելը, նաև ոգևորվելը, խոսելն ու հետադարձ կապ ստանալը ոլորտի առաջատար փորձագետներից։ «Ապագայի աշխատանքը» համաժողովն արդյունավետ հարթակ էր դեպի ապագա նայող մեր ընկերությունների խմբի համար ու նման հարթակ ստեղծելու համար մենք շնորհակալ ենք կազմակերպիչներին»,- նշել է «Գալաքսի» ընկերությունների խմբի մարդկային ռեսուրսների կառավարման գծով տնօրեն Էլմիրա Հովհաննիսյանը։
Միջոցառմանը մասնակցեցին ՄՌ ղեկավարներ, գործադիր տնօրեններ, թրեյներներ, խորհրդատուներ և այլ շահառուներ՝ տեղական ու միջազգային կազմակերպություններից: Համաժողովը հյուրընկալեց հատուկ հրավիրված, միջազգային ճանաչում ունեցող խոսնակների աշխարհի տարբեր անկյուններից, որոնք ներկայացրեցին ոլորտի տեսլականն ու մոտեցումները։ Բացի այդ մոդերատորները հանդես եկան աշխատանքի ապագայի վերաբերյալ աշխատարաններով՝ ոլորտի ակնառու փորձագետների հետ։
«Մենք արդեն ապրում և աշխատում ենք ապագայում ուստի հասկանում ենք, որ ապագայի աշխատանքը պահանջում է նոր հմտությունների և ունակություններ և անում ենք հնարավորինս մեր աշխատակիցների զարգացման համար: ՄՌ կառավարման տարածաշրջանային 8-րդ համաժողովի ընթացքում մասնագետների և էքսպերտների հետ քննարկումների ընթացքում ավելի պարզ դարձավ, թե ինչպես պետք է Մարդկային ռեսուրսների կառավարիչները պատրաստվեն դարի մարտահրավերներին: Ուրախ եմ, որ ՎՏԲ–Հայաստան Բանկը հանդիսացավ այս կարևոր և միջազգային համաժողովի գործընկերը, որի արդյունքում, հուսով եմ, շատ աշխատակիցներ կդառնան էլ ավելի երջանիկ, էլ ավելի արդյունավետ և էլ ավելի մրցունակ», – նշել է «ՎՏԲ–Հայաստան Բանկ» ՓԲԸ Անձնակազմի կառավարման վարչության պետ Աստղիկ Սարգսյանը։
ՄՌ կառավարման տարածաշրջանային 8-րդ համաժողովի գործընկերներն են նաև «ՎանԱրդի» ընկերությունը, «Լոս Փաբլոս» մեքսիկական ռեստորանը, «ՍանՀաուս» կազմակերպությունը, «Պես-պես» գունազարդ գրքերը, «Մաջորել» կազմակերպությունը, «Գոու Արմենիա» տուրիստական ընկերությունը:
Կարդացեք նաև
###
Cascade People & Business ընկերությունը հանդիսանում է մարդկային ռեսուրսների կառավարման խորհրդատվական առաջատար ընկերություն Հայաստանում՝ գործելով «Ամեն ինչ ՄՌ ոլորտում և ոչինչ ՄՌ ոլորտից դուրս» սկզբունքով: Իր գործունեության 10 տարիների ընթացքում՝ համագործակցելով ավելի քան 500 տեղական ու միջազգային կազմակերպությունների հետ՝ ընկերությունը փոփոխություն է բերում և ձգտում կատարելության ՝ դառնալով նշաձող օրեցօր ավելի աճող ու զարգացող ՄՌ համայնքի համար:
«Գալաքսի» ընկերությունների խումբը (Galaxy Group of Companies) հիմնադրվել է 1999թ.-ին՝ մեկնարկային 30 հոգանոց թիմից դառնալով Հայաստանի թիվ մեկ գործատուն՝ ավելի քան 3000 բարձր վարձատրվող աշխատակիցներով և ավելի քան 800,000-ի հասնող բաժանորդների և հաճախորդների թվով։
«Գալաքսի» ընկերությունների խումբ
