Ազգային ժողովն այսօր քննարկում է «Գույքահարկի մասին» ՀՀ օրենքում փոփոխությունների օրինագիծն ամբողջութամբ ընդունելու հարցը:
Օրինագծի հեղինակներից «Իմ քայլի» պատգամավոր Գեւորգ Պապոյանը հայտարարեց, որ ըստ օրինագծի՝ անշարժ գույք վաճառելիս քաղաքացին գնորդին պարտավոր է գույքը հանձնել առանց գույքահարկի պարտավորության. եթե կա գույքահարկի պարտավորություն, վաճառողն այն պետք է կատարի, ինչից հետո միայն գույքը հանձնի գնորդին:
«Մինչ այս նման պարտավորություն չկար: Պարզվել էր, որ շատ քաղաքացիներ գույք են գնել եւ հսկայական դրամական պարտքեր էին ձեռք բերել, ինչն արդար չէ: Այս օրինագիծը կլուծի խնդիրը, եւ քաղաքացիներն անշարժ գույք գնելիս պարտավոր չեն լինի գույքահարկ վճարելու մեծ պարտավորություն ստանձնել»,-նշեց Գեւորգ Պապոյանը:
Օրինագիծը դեռ պետք է քվեարկվի:
Կարդացեք նաև
Լուիզա ՍՈՒՔԻԱՍՅԱՆ
