«Ագրարագյուղացիական միավորում» հասարակական կազմակերպության նախագահ Հրաչ Բերբերյանն այսօր «Հայելի» ակումբում բացահայտումներ արեց:
«Այսօր մեր կառավարությունում մենք մասնագետներ չունենք: Այն երկու հոգին, որ վարչապետի կողքը ֆռֆռում են, իմ մոտ ցրիչ չէին աշխատի: Էլ չեմ ասում՝ քարտուղարուհի:
Սերգո Կարապետյանի նախարարության ժամանակ գյուղացին հանդիպեց մի հետաքրքիր փաստի: Մինչեւ նրա գալը, ցորենի սերմացուն, գարին, կարտոֆիլը եւ տարբեր ուղղություններ, որոնք պետական նշանակություն ունեին, սերմացու ներկրելու ժամանակ ԱԱՀ-ից ազատված էին: Խոսքը էլիտար սերմացուի տնկանյութերի մասին է: Ու այդտեղ տրամաբանություն կար: Գյուղացին չի բերում վաճառելու, այլ բերում է ցանքի համար: Եվ հարկային մարմինները հետեւում էին դրան: 2019 թվականին այս վազող կուսակցականները հունիսի 25-ին շատ գաղտնի որոշում ընդունեցին: Ըստ այդմ, մի շատ բարձրաստիճան անձ իր անձնական բիզնեսը խթանելու համար հանել է ֆերմերային բառը: Դրա նպատակ կարող է լինել այն, որ նա ուզում է այս բիզնեսն իր ձեռքը վերցնել, որովհետեւ այս հարցը ԱԺ-ում ֆերմերների հետ ընդհանրապես չեն քննարկել եւ որոշումն ընդունվել է գաղտնի:
Ֆերմերը գնում է մաքսատուն՝ նրան ասում են դու մաքսազերծելու իրավունք չունես, գնա առեւտրական կազմակերպություն դարձիր՝ նոր արի: Դրանից հետո էլ հարկայինը նրա հետեւից կգնա ու 27%-ը կդնի վզին: ԱԺ այս որոշումը ուժի մեջ է մտել հունվարի 1-ից: Այսինքն, այդ գաղտնի որոշումով կանգնեցրել են փաստի առաջ: Ժողովրդավարական ազատ մրցակցությունը շպրտել են ու մտցրել մոնոպոլ գաղափար: Մենք սրա համար դատարան ենք դիմելու, ԱԱԾ-ին էլ ենք այդ անձի մասին հաղորդում տալու, որը Տիգրան Սարգսյանի օրոք լավ թալանչի է եղել: Ես դիմում եմ նաեւ պարոն Տիգրան Ավինյանին: Խոսքը 2019 թ. հունիսի 25-ի ՀՕ 76 որոշման մասին է»,-ասաց Հրաչ Բերբերյանը:
Կարդացեք նաև
Աշոտ ՀԱԿՈԲՅԱՆ
