Այս օրերին աշխարհի մի շարք երկրներում լայնորեն կիրառվում է հեռավար հաղորդակցության Zoom հարթակը, որն առցանց ուսուցման համար կիրառվում է նաև Հայաստանում` կորոնավիրուսով պայմանավորված իրավիճակի պատճառով: Techcrunch կայքը անդրադարձել է հարթակին և այն հարցին, թե որքանով է անվտանգ դրա օգտագործումը:
Կայքի փոխանցմամբ` Apple ընկերությունը ստիպված է եղել միջամտել և ապահովել միլիոնավոր Mac-երի անվտանգությունն այն բանից հետո, երբ հայտնաբերվել է, որ Zoom-ը նախապես չի հաղորդել, որ նոթբուքերի վրա ներդնում է գաղտնի վեբ-սերվեր, վերջինս չի ջնջվում անգամ այն դեպքում, երբ օգտատերը ջնջում է Zoom հարթակը: Սա նշանակում է, որ ցանկացած վնասակար կայք կարող է ակտիվացնել Mac վեբ-տեսախցիկը առանց օգտատիրոջ թույլտվության:
Նշվում է նաև, որ Zoom-ը օգտատերերի մասին տվյալներ է տրամադրել Facebook սոցիալական ցանցին անգամ այն դեպքում, եթե տվյալ օգտատերը սոցիալական ցանցում օգտահաշիվ չունի բացած:
Միևնույն ժամանակ կայքն ընդգծում է, որ Zoom-ը խստացրել է կոնֆեդենցիալության քաղաքականությունը այն բանից հետո, երբ քննադատության է արժանացել օգտատերերի հավաքների մասին տեղեկատվություն հավաքելու համար: «Արդարության համար նշենք, որ Zoom–ն այդքան էլ վատը չէ և մի շարք պատճառներն կան` ինչու է այն այդքան հայտնի: Հարթակը հեշտ է օգտագործել, շատերի համար վստահելի է և հարմար»,-գրում է կայքը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
