«Ժամանակը սպառվել է. պետական կառավարման համակարգը Սերժի մնացորդներից պետք է մաքրել». Փաշինյան

«Հակակոռուպցիոն գործերով կոնկրետ գործեր են ի հայտ գալիս, եւ նրանք հիստերիկ նոպայի մեջ են: Չեմ ուզում մանրամասներ ասել, բայց այս ամենը համարում եմ հիստերիկ նոպա: Այո, նրանք իշխանության ներսում էլ դեռ լիքը մարդ ունեն, իրավապահ համակարգում էլ»,-«ֆեյսբուքյան» ուղիղ միացմամբ քիչ առաջ անդրադառնալով իշխանության հասցեին հնչող քննադատություններին եւ դժգոհություններին՝ ասաց վարչապետ Նիկոլ Փաշինյանը:

«Ունեն, որովհետեւ մենք ասել ենք, որ վենդետաներ չեն լինելու, եւ բոլորին ժամանակ ենք տվել, բայց հիմա ժամանակը սպառվել է»,-հավելեց նա:

Փաշինյանի խոսքով. «Վենդետաներ եւ կադրային ջարդեր էլի չեն լինելու, բայց պետական կառավարման համակարգը Սերժի մնացորդներից պետք է մաքրել: Երկու տարի շանս ունեցել են, եւ մեզ որեւէ մեկը չի կարող մեղադրել: Այդ շանսը բոլորն են ունեցել, չեն օգտագործել՝ մեղքն իրենց վիզը: Որեւէ մեկը չմտածի, թե ճգնաժամով պայմանավորված՝ մենք մեր որեւէ նպատակից հետ ենք կանգնելու: Հատ-հատ պատասխան են տալու ամեն գողացած կոպեկի համար»:

Լուիզա ՍՈՒՔԻԱՍՅԱՆ