Այսօր ԱԺ պաշտպանության եւ անվտանգության հարցերի հանձնաժողովի նիստում կառավարությունը անվտանգության համակարգի բարեփոխումների շրջանակներում ներկայացրել է «Ոստիկանության մասին» օրենքում փոփոխությունների նախագիծը:
Հանձնաժողովի նախագահ Անդրանիկ Քոչարյանը զարմանք հայտնեց, որ հանձնաժողովի ընդդիմադիր անդամները չեն մասնակցում այս կարեւոր նիստին: Նրա խոսքով՝ ինչքան էլ ընդդիմադիր հարցեր լինեն, երկրի անվտանգային խնդիրները ավելի կարեւոր են. «Նույնիսկ ապրիլյան քննիչ հանձնաժողովի բացակայությունները ես չեմ կարողանում հասկանալ, որովհետեւ ամեն ինչ կարող եմ հասկանալ, բացի ապրիլյանը, որովհետեւ դա բոյկոտի ենթակա թեմա չի»:
Անդրանիկ Քոչարյանը տեղեկացրեց, որ տեխնիկական խնդիրներ են լուծում ու ամենայն հավանականությամբ, վաղը ապրիլյան քննիչ հանձնաժողովի նիստ կանեն, որտեղ ՀՀ նախկին արտգործնախարար Էդվարդ Նալբանդյանին հարցեր կուղղեն տեսակապով: Նա տվել է իր համաձայնությունը:
Հիշեցնենք, որ «Լուսավոր Հայաստան» խմբակցության պատգամավորները հայտնի ծեծկռտուքից հետո բոյկոտ են հայտարարել: Չնայած ԱԺ պետաիրավական հարցերի հանձնաժողովի նիստին այդ խմբակցության պատգամավորներից մեկը՝ Տարոն Սիմոնյանը մասնակցում էր:
Կարդացեք նաև
Հռիփսիմե ՋԵԲԵՋՅԱՆ
