«Լավ կանի Ռոբերտ Սեդրակիչը մասնակցի դատաքննությանը ու պաշտպանական թիմին նոր հրահանգներ տա, որպեսզի մտնեն դատական պրոցեսի մեջ, եւ այն բոլոր խոչընդոտները, որոնք գտնում են, որ իրականացվել են իր անձի նկատմամբ, ի հայտ գան»,- այսօր լրագրողների հետ զրույցում ասաց ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը:
Հիշեցնենք, որ Վարչական դատարանը բավարարել է Քոչարյանի պաշտպանի հայցադիմումը եւ մինչեւ համավարակի ավարտը Քոչարյանը մնալու է Իզմիրլյան բժշկական կենտրոնում:
Ըստ նրա, կան հիվանդություններ, որոնք նույնիսկ եթե կան, դատաքննությանը խոչընդոտ չպետք է հանդիսանան: Դատաքննությունն է, որը լիարժեք հնարավորություն է տալիս իր պարագայում զբաղվել քաղաքականությամբ, ապացուցել իր ճիշտը կամ սխալը:
Կարդացեք նաև
Անդրադառնալով Ռոբերտ Քոչարյանին մեղսագրվող հոդվածի վերաբերյալ ՄԻԵԴ-ի խորհրդատվական կարծիքին՝ Անդրանիկ Քոչարյանն ասաց. «Ինչքանով ես ծանոթացա, այդ որոշումով ասվում է, որ Ռոբերտ Քոչարյանը թող ակնկալիքներ չունենա»:
Ինչ վերաբերվում է պաշտպանական թիմի բացատրություններին ու մեկնաբանություններին, Քոչարյանն ասաց, որ նրանք դրա համար մեծ գումարներ են ստանում:
Հռիփսիմե ՋԵԲԵՋՅԱՆ
