ՀՀ վաստակավոր արտիստ Աննա Մայիլյանը ֆեյսբուքյան իր էջում գրել է․
Սա ի՞նչ է։ Հատուկ ծրագիր է հավեսով ազգին պառակտելո՞ւ։ Կարող է ոչինչ չեմ հասկանում քաղաքականությունից, բայց հաստատ վստահ եմ, որ այս կորոնավիրուսային խայտառակության պայմաններում այսօրվա խայտառակությունը չպետք է լիներ։ Սա կատարյալ խելագարություն է, անթույլատրելի վիճակ։
Այսօր նախ պետք է պրոֆեսիոնալ կերպով պայքարենք վիրուսի նահանջի համար, հետո նոր դիմենք նման քայլերի։ Կարծում եմ՝ նորից ու նորից խայտառակվեցին։ Սարսափելի ամոթ և ցավ եմ զգում։ Երկիրը առաջ տանելու համար այնքան խնդիրներ կան, որ պետք է լուծել, միասնական կերպով, այլ ոչ թե անձնական կռիվ-կռիվ խաղալով։ Ինչպես անենք որ մեր ղեկավար մարդիկ սա ի վերջո հասկանան, թողնեն մի կողմ անձնական շահերը և հավաքվեն ի շահ մեր ազգի, երկրի։
Վիճակը լուրջ է։ Վիճակը լուրջ է բոլոր բնագավառներում ՝ մշակութային, գիտական, առողջապահության, կրթական… Տարիներ ի վեր մեր ժողովուրդը սնվել է անգրագիտությամբ, անորակ երաժշտությամբ, հնդկական և այլ սարսափելի անմակարդակ սերիալներով, գումարով դիպլոմներ ունենալով և այլն։ Իհարկե, խնդիրները շատ են, բայց պետք է սկսել կարգավորել կրթական ոլորտը և հարցերը լուծել՝ ի նկատի ունենալով արտաքին վտանգները։ Չգիտեմ ինչ մտածեմ։ Ուրանալով մեր հավատքը, ազգային արժեքները՝ այսպես էլ պետք է լիներ։
Կարդացեք նաև
Սա ինչ՞ է։ Հատուկ ծրագիր է հավեսով ազգին պառակտելու՞։ Կարող է ոչինչ չեմ հասկանում քաղաքականությունից, բայց հաստատ վստահ…
Gepostet von Anna Mayilyan am Sonntag, 14. Juni 2020
