ԱՆ Հիվանդությունների վերահսկման եւ կանխարգելման ազգային կենտրոնի գլխավոր տնօրեն Արտավազդ Վանյանն այսօր պարետատան նիստից հետո ասաց, որ կորոնավիրուսի հետ կապված իրավիճակը մնում է լարված: Նրա խոսքով, այն մարտավարությունը, որը կառավարությունը որդեգրել է, գիտականորեն փաստում է, որ մեր երկիրը վաղուց սկսել էր այդ գործողությունները եւ այսօր հստակ է, որ առաջնահերթը եւ կարեւորը դիմակ կրելն է:
Արտավազդ Վանյանը քաղաքացիներին հորդորեց անգամ տնային միջոցառումներ կազմակերպելիս դիմակ կրել, պահպանել սոցիալական հեռավորությունը:
«Փողոցներում մենք տեսնում ենք, դիմակն իջեցրած քթի հատվածին, դա հավասարազոր է դիմակ չկրելուն: Եթե մենք կանոնները չենք պահում եւ մեր առողջությունն ենք վնասում եւ մեր շրջապատի: Կարեւոր է ձեռքերի հիգիենան եւ սոցիալական հեռավորությունը որտեղ մենք սնվում ենք: Այն վայրերը, որտեղ չենք կարող դիմակ կրել գոնե պահպանենք սոցիալական հեռավորությունը: Եթե այս երեք կանոնը պահպանենք մենք կունենանք նվազում, իսկ այսօր վարակելիության ցուցանիշը մեկ եւ մեկից ավել է, եւ մենք արձանագրում ենք թվերի բարձրացում»:
Լուսինե ԲՈՒԴԱՂՅԱՆ
Կարդացեք նաև
