Ալեն Սիմոնյանի նոր նախագիծը, որով առաջարկում է 5000-ապատիկ դարձնել՝ 5 մլն դրամ, իսկ զրպարտության համար գործող կարգավորմամբ նվազագույն աշխատավարձի մինչեւ 2000-ապատիկի չափով փոխհատուցման վճարն առաջարկվում է դարձնել 10-հազարապատիկ, այսինքն՝ 2 մլն-ը դարձնել 10 մլն՝ հակասության մեջ է մտնում մի շարք Հայաստանի Հանրապետության օրենքների և միջազգային պայմանագրերի հետ։ Այս մասին «Խոսքի ազատության դեմ ճնշումները» թեմայով քննարկման ընթացքում ասաց «Մեդիա պաշտպան» նախաձեռնության ներկայացուցիչ Սերգեյ Չամանյանը։
«Մենք պետք է հասկանանք՝ 5 միլիոն թիվը որտեղի՞ց ծնվեց և ի՞նչ է նշանակում։ Հաստատ, երբ վճիռը կայացվելու է չի կայացվելու մի անձի դեմ, մի լրագրողի դեմ, վճիռը կայացվելու է լրատվամիջոցի դեմ։ Իսկ ամսեկան 1, 2, 3 նման դատավճիռ … Ես չգիտեմ Հայաստանում գեթ մեկ լրատվամիջոց, որն ի վիճակի է 2-3-ական 5 միլիոն դրամ վճարի առանց հետևանքների։ Իսկ եթե դա լինի կազմակերպված գրոհի տեսքով, օրինակ՝ ոնց որ դա կատարվել է մեր գործընկերների հետ, երբ հարձակվում էին գրասենյակների վրա, կեղտոտում էին, փչացնում էին գույքը կամ ուղարկում էին ոստիկաններին… Ես ուղղակի պատկերացնում եմ, որ մեր փոքր գրասենյակի վրա գա 2-3 դատական վճիռ՝ առանց դրա դեմ պայքարելու հնարավորության, մենք ստիպված կլինենք փակվել։ Արդյոք դա ուղղակի այն մտրակը չէ՞, որով կառավարող ուժը Ալեն Սիմոնյանի դեմքով փորձում է ուղղակի լռեցնել ոչ հաճո լրատվամիջոցներին, ոչ միայն լրագրողներին»,- նկատեց նա։
Ամի ՉԻՉԱԿՅԱՆ
