ՍԾՏՄ ԽՎ-ում հանձնաժողովների նիստեր են եղել: Այսօր ՀՀ ԱԺ պատվիրակության անդամները հրավիրած ասուլիսում ներկայացրեցին, թե ինչպես են մինչ նիստը սկսելը հայտարարության տեքստ նախապատրաստել՝ Ադրբեջանի ձեռնարկած ագրեսիայի մասին ներկայացնելու կազմակերպության պատվիրակություններին:
«Նիստը անցավ շատ բուռն, մեղմ ասած: Այդ հայտարարությանը փորձեցին արձագանքել ու ինձ թվում է վերջում բոլորի համար պարզ դարձավ ով է այս ամեն ինչի պատասխանատուն եւ ինչ է այս ամեն ինչի իրական նպատակը»,- ասաց պատվիրակության ղեկավար Բաբկեն Թունյանը:
Ուշագրավ է, որ այս կազմակերպության գլխամասը գտնվում է Ստամբուլում, իսկ կառույցի գլխավոր քարտուղարը ադրբեջանցի է: Այսինքն, մերոնք իրենց ելույթը տեղ են հասցրել հենց ադրբեջանաթուրքական վերահսկողության ներքո:
Պատվիրակության անդամ Վահե Էնֆիաջյանը պատմեց, թե ինչպես են Ադրբեջանի ու Թուրքիայի ներկայացուցիչները փորձել խանգարել ելույթին, հորդորել վերադառնալ օրակարգին, որը համավարակի պայմաններում ստեղծված իրավիճակի քննարկումն էր. «Մենք ներկայացրել ենք ե՛ւ մասնագիտական զեկույց, ե՛ւ քաղաքական իրավիճակն ենք փորձել ներկայացնել, եւ մեր դիրքերը չենք զիջել»:
Կարդացեք նաև
Իսկ թե ինչպես են արձագանքել կազմակերպության անդամ երկրները՝ Թունյանն ասաց, որ նիստը առցանց էր ու չեն կարողացել դա արձանագրել:
Մանրամասները՝ տեսանյութում:
Հռիփսիմե ՋԵԲԵՋՅԱՆ
