Լեռնային Ղարաբաղի խաղաղապահները կլինեն բացառապես ռուսներ: Այս մասին հերթական անգամ հայտարարել է Ռուսաստանի նախագահի մամուլի խոսնակ Դմիտրի Պեսկովը:
«Մենք նախկինի պես ելնում ենք այն բանից, որ խաղաղապահները կլինեն ռուս զինվորականներ, որոնք արդեն տեղակայվում են կողմերի շփման գոտում, իսկ թուրք զինվորականների հետ գործակցությունը կլինի մոնիթորինգի կենտրոնի շրջանակում, որը կտեղակայվի Ադրբեջանի տարածքում»,- ասել է նա լրագրողներին:
Լրագրողների հարցին՝ արդյոք Ռուսաստանը տեսականորեն կհամաձայնվի թուրք խաղաղապահների տեղակայմանը, և արդյոք այդ հարցի քննարկման համար դաշտ կա, Պեսկովն ասել է. «Քննարկման դաշտ միշտ կա, բայց այդ թեման չի քննարկվել»:
Նրա խոսքով՝ Լեռնային Ղարաբաղում թուրք խաղաղապահների տեղակայումը պետք է համաձայնեցնել Երևանի և Բաքվի հետ. այդ հարցը չի կարող քննարկվել միայն Մոսկվայի և Անկարայի միջև:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
