Ռուսաստանի նախագահ Վլադիմիր Պուտինը հրաման է ստորագրել Լեռնային Ղարաբաղում խաղաղության պահպանման միջոցառումների վերաբերյալ:
Փաստաթղթի համաձայն տարածաշրջան կուղարկվի Ռուսաստանի ԶՈՒ զորամիավորման մինչև 1960 զինծառայող 5 տարի ժամկետով՝ հաջորդ 5-ամյա ժամկետի համար ավտոմատ երկարաձգման պայմանով, եթե համապատասխան հնգամյա ժամկետի ավարտից վեց ամիս առաջ Հայաստանը և Ադրբեջանը չհայտարարեն ձեռք բերված պայմանավորվածությունների դադարեցման մտադրության մասին: Խաղաղապահ կոնտինգենտը կտեղակայվի Լեռնային Ղարաբաղի գոտում, Լեռնային Ղարաբաղի շփման գծի երկայնքով և Լաչինի միջանցքի երկայնքով:
Ընդ որում, Ռուսաստանի նախագահը կարգադրել է Պաշտպանության նախարարությանը իրականացնել Լեռնային Ղարաբաղում խաղաղապահ կոնտինգենտի անձնակազմի ռոտացիա ոչ հաճախ, քան երկու տարին մեկ, իսկ ռազմական տեխնիկայի փոխարինումը՝ ըստ ռեսուրսների և տեխնիկական անհրաժեշտության: Անվտանգության Դաշնային Ծառայությանը հանձնարարվել է վերահսկել, որպեսզի Հայաստանն ապահովի տրանսպորտային հաղորդակցությունը Ադրբեջանի արևմտյան շրջանների և Նախիջևանի Ինքնավար Հանրապետության միջև՝ քաղաքացիների, տրանսպորտային միջոցների և բեռների՝ երկու ուղղությամբ անվտանգ տեղաշարժի համար:
Պատրաստեց՝ Վիկտորյա ԱՆԴՐԵԱՍՅԱՆԸ
