Այսօր պետական գույքի կառավարման կոմիտեի նախագահ Նարեկ Բաբայանն ԱԺ տնտեսական հարցերի հանձնաժողովի նիստում քննարկման ներկայացրեց «Պետական գույքի մասնավորեցման 2017-2020 թվականների ծրագրի մասին» օրենքում լրացում կատարելու մասին նախագիծը, որով առաջարկում էր մասնավորեցնել «Հատուկ լեռնափրկարար ծառայություն» ՓԲԸ-ն:
Ընդ որում, ընկերությունը եկամուտով է աշխատում, 2020-ի տվյալներով՝ ունի 50 աշխատակից: ԱԻՆ-ն է առաջարկել այս ընկերությունը մասնավորեցնել՝ գտնելով, որ այդպես ներդրումներ կլինեն ու կառավարումն ավելի արդյունավետ կլինի:
Ընկերությունը գործում է առանց պետպատվերի: Մասնագիտացված ստորաբաժանումների աշխատակիցները պարբերաբար ստանում են ուսուցում ու ստանում փրկարարի որակավորում:
Իմքայլական պատգամավոր Գեւորգ Պապոյանը հարցրեց՝ սա միակ մասնագիտացված պետական ընկերությո՞ւնն է, որ զբաղվում է այդ գործունեությամբ: Նարեկ Բաբայանը պատասխանեց, որ այս ընկերությունը տեղակայված է Ախթալայում եւ Կապանում, հանքերում փրկարարական ծառայությունների մատուցմամբ են զբաղվում, ու եթե մասնավորեցվի, ընկերությունը նույն գործունեությամբ է զբաղվելու. «Ընկերությունը փոքր գույք ունի: Սեփական կապիտալը 18,9 մլն է, զուտ շահույթի ցավալը 364 հազար, եկամուտների ծավալը՝ 78,8 մլն, ընթացիկ պարտավորությունները՝ 15,1, ընթացիկ ակտիվները՝ 22,3 մլն, արտադրանքի ապրանքի, ծառայությունների իրացումից ստացված հասույթը՝ 78,8 մլն:
Կարդացեք նաև
Հանձնաժողովը դրական եզրակացություն տվեց նախագծին:
Հռիփսիմե ՋԵԲԵՋՅԱՆ
