ԲՀԿ-ական Միքայել Մելքումյանը մեզ հետ զրույցում հայտարարել էր․ «Խոսում ենք այն մասին, որ Արփա, Որոտան գետերը մնացել են Քարվաճառում, կարող է Սեւանը թունավորեն»։ Բնապահպան Սիլվա Ադամյանը հարցին, թե իրատեսակա՞ն է նման վտանգը, ասաց․ «Նման վտանգ միշտ կա բոլոր պատերազմների ժամանակ, կիրառվում են տարբեր տեսակի միջոցներ։ Ջրային թունավորում առաջացնող միջոցներից․․․ ես չեմ ուզում վախեցնել ոչ մեկին, բայց մեկ անգամ էլ ասել եմ, որ կա կենսաբանական զենք, որը վիրուսների ու բակտերիաների միջոցով կարող է թունավորել ջուրը, եւ դա կարող է բերել հսկայական տարածվածության տարբեր տեսակի էպիդեմիաների»։
Այսինքն՝ ըստ Ադամյանի, վտանգը կա, եթե չկա հսկողություն ու վերահսկողություն։ Ադամյանը՝ ինքը, ԽՍՀՄ օրոք 20 տարի աշխատելով համարյա ռազմական նշանակության Հակաժանտախտային կայանում՝ լավ գիտի, որ անգամ Սովետական Միությունում, որտեղ բացառված էին դիվերսիաները, օրը 2-3 անգամ գետերի ջրերից «պրոբաներ»՝ անալիզ էին վերցնում։
ՀՀ ԳԱԱ քիմիական ֆիզիկայի ինստիտուտի գիտաշխատող Սեյրան Մինասյանը, ով նախկինում ՀՀ-ի գետերի ու դրանց առնչվող խնդիրների վերաբերյալ պարբերաբար ասուլիսներ էր տալիս, այս թեմայով չցանկացավ խոսել, միայն ակնարկեց․ պետք չէ թեման արծարծել՝ «լոժնի աժիոտաժներ են», քննարկման թեմա չկա։
Անուշ Դաշտենց
Կարդացեք նաև
Հոդվածն ամբողջությամբ՝ «Հրապարակ» թերթի այսօրվա համարում:
