Այս պահին ՀՅԴ-ականները փակել են Երևան-Վանաձոր միջպետական ճանապարհը՝ պահանջելով Նիկոլ Փաշինյանի գլխավորած կառավարության հրաժարականը։ Այս մասին տեղեկանում ենք ՀՅԴ Արթիկի կառույցի ֆեյսբուքյան ուղիղ եթերից։
Գյումրու ՀՅԴ կոմիտեից մեզ տեղեկացրեցին, որ անհնազանդության ցույցին մասնակցում են ինչպես Ապարանի ՀՅԴ կառույցի ներկայացուցիչները, այնպես էլ՝ Արթիկի։
«Մեր պահանջն անփոփոխ է, դավաճան, ապաշնորհ կառավարությունը՝ Նիկոլ Փաշինյանի գլխավորությամբ, անհապաղ պիտի հեռանա։ Մեր ցույցերը կրելու են շարունակական բնույթ, մինչև որ հասնենք վերջնական նպատակին»,-նշեց ուղիղ եթեր մտած ցուցարարը։
