Ադրբեջանի նախագահ Իլհամ Ալիևը Շուշիում իր հատուկ ներկայացուցչի հետ տեսակապի միջոցով հանդիպում է ունեցել, որի ժամանակ արձագանքել է այն հայտարարություններին, որ Շուշին հանձնվել է առանց կռվի:
«Տեսեք՝ ինչ են ասում Շուշայի ազատագրման մասին Հայաստանի ներկայացուցիչները և արտասահմանում նրանց հովանավորները: Իբր Շուշան առանց կռվի մեզ են հանձնել, մարտեր չեն եղել, հայերը լքել են Շուշան: Դա ստոր սուտ է»,- ասել է Ալիևը՝ պարծենալով, որ ադրբեջանցի զինվորները և սպաները «դրսևորել են հերոսություն, պրոֆեսիոնալիզմ, ֆիզիկական ուժ և բարձր ազգային ոգի»:
Հիշեցնենք, չորեքշաբթի Ալիևը Շուշիի շրջանում հատուկ ներկայացուցիչ էր նշանակել Այդին Զօհրաբօղլու Քերիմովին:
Պատրաստեց՝ Վիկտորյա ԱՆԴՐԵԱՍՅԱՆԸ
