Լրահոս
Օրվա լրահոսը

ԵԽԽՎ-ն անընդունելի է համարում Հայաստանի ԳՇ հայտարարությունը՝ վարչապետի հրաժարականի պահանջի վերաբերյալ

Փետրվար 26,2021 15:14

ԵԽԽՎ-ն խիստ մտահոգված է Հայաստանի վերջին զարգացումներից և անընդունելի է համարում Գլխավոր շտաբի հայտարարությունը: Այս մասին ասվում է ԵԽԽՎ Հայաստանի հարցով համազեկուցողներ Բորիանա Աբերգի և Քիմմո Կիլյունենի հայտարարության մեջ:

«Մենք կարծում ենք, որ երեկ Զինված ուժերի Գլխավոր շտաբի տարածած հայտարարությունը, որում պահանջվում էր ժողովրդավարական ճանապարհով ընտրված կառավարության հրաժարականը, անընդունելի է»,- ասվում է հայտարարության մեջ:

Համազեկուցողները կոչ են անում բոլոր քաղաքական դերակատարներին լիարժեք հարգանք դրսևորել ժողովրդավարական սկզբունքների և Հայաստանի սահմանադրության նկատմամբ և ձեռնարկել բոլոր անհրաժեշտ քայլերը անհապաղ թուլացնելու լարվածությունը:

«Հայաստանն անցնում է իր նորագույն պատմության շատ բարդ փուլով և, առավել քան երբևէ, կարիք ունի հանդարտության, զսպվածության, խելամտության, ժողովրդավարական սկզբունքների անվարան աջակցության բոլոր շահագրգիռ ուժերի կողմից՝ հանուն ծառացած քաղաքական ճգնաժամի լուծման»,- ասվում է հայտարարության մեջ:

 

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2021
Երկ Երե Չոր Հնգ Ուրբ Շաբ Կիր
« Հուն   Մար »
1234567
891011121314
15161718192021
22232425262728