Կադաստրային քարտեզում հայտնաբերված սխալների ուղղման կարգ, Գեոմատիկայի կենտրոնի ստեղծում. 1․5 տարվա պաշտոնավարման ընթացքում Դավիթ Սողոմոնյանի ղեկավարությամբ իրականացվել են համակարգի մի շարք կարևորագույն բարեփոխումներ

ՀՀ կադաստրի կոմիտեի ղեկավարի տեղակալ Դավիթ Սողոմոնյանը երեկ՝ ապրիլի 13-ին, իր դիմումի համաձայն ազատվել է զբաղեցրած պաշտոնից:

ՀՀ Վարչապետի որոշմամբ Սողոմոնյանը կոմիտեի ղեկավարի տեղակալ էր նշանակվել 2019 թվականի դեկտեմբերի 16-ին։

Շուրջ 1․5 տարվա պաշտոնավարման ընթացքում Դավիթ Սողոմոնյանի անմիջական ղեկավարությամբ են իրականացվել համակարգի մի շարք կարևորագույն բարեփոխումներ․

📍«Ինտեգրված կադաստրի ստեղծման ռազամավարական ծրագիրը հաստատելու մասին» կառավարության որոշման նախագիծ,

📍Կադաստրային քարտեզում հայտնաբերված սխալների ուղղման կարգ,

📍Չափագրողների առցանց գրասենյակ,

📍Հողամասի և շինության հատակագծերի ձևերը, հատակագծերի ներկայացվող պարտադիր պահանջները և հատակագծերի ներկայացման կարգը սահմանող Կադաստրի կոմիտեի ղեկավարի 75-Ն հրաման,

📍«Գեոդեզիայի, քարտեզագրության և տարածական տվյալների ենթակառուցվածքների մասին» ՀՀ օրենք,

📍Գեոմատիկայի կենտրոնի ստեղծում:

ՀՀ կադաստրի կոմիտեի աշխատակազմը շնորհակալություն է հայտում Դավիթ Սողոմոնյանին համատեղ արդյունավետ աշխատանքի համար, մաղթում ամենայն բարիք և մասնագիտական նորանոր ձեռքբերումներ:

ՀՀ կադաստրի կոմիտե