Ա1+. ԿԸՀ-ն այսօր հրապարակել է ընտրությունների մասնակիցների ցուցակները, ներառյալ ՀԱՊԿ-ինը։ ՀԱՊ կուսակցությունը ընտրություններին մասնակցում է պատգամավորի 82 թեկնածուով։
ՀԱՊԿ վարչապետի թեկնածուն Արթուր Վալերիկի Վարդանյանն է, որը գլխավորում է նորաստեղծ կուսակցությունը։
Նա Արցախյան պատերազմում զոհված, ՀՀ Արիության մեդալով հետմահու պարգևատրված Վալերիկ Վարդանյանի որդին է, երկար տարիներ ապրել է Իսպանիայում։
Արթուր Վարդանյանը 2015թ Նորք-Մարաշում ԱԱԾ-ի կողմից «վնասազերծված» զինված խմբավորման ղեկավարն է։ Ինը հոգանոց խումբը , եւ եւս 11 հոգի, մեղադրվում են ապօրինի զենք-զինամթերք պահելու, բռնությամբ իշխանությունը զավթել ծրագրելու մեջ, «ինչը ավարտին չի հասցվել նրանց կամքից անկախ հանգամանքներում, քանի որ հանցավոր համագործակցության մեջ ներգրավված անձինք բացահայտվել ու 2015թ. նոյեմբերի 25-ին վնասազերծվել են Հայաստանի Հանրապետության ազգային անվտանգության ծառայության աշխատակիցների կողմից»:
Կարդացեք նաև
Ըստ մեղադրանքի՝ խումբը նախատեսել է հարձակումներ գործել պետական շենքերի վրա, խոցել ՀՀ նախագահի օդանավը։
Արթուր Վարդանյանը ազատության մեջ է 1 մլն դրամ գրավի դիմաց, երբ կալանավորումից չորս տարի անց՝ 2019թ-ին փոխվեց նրա խափանման միջոցը։
Այս գործով մեղադրվում են նաեւ Պաշտպանության նախկին փոխնախարար Վահան Շիրխանյանը, «Հայրենիք եւ պատիվ» կուսակցության նախագահ Գառնիկ Մարգարյանը։
Գործով դատավարությունը դեռ շարունակվում է, հաջորդ դատական նիստը նշանակված է հունիսի 4-ին։
Նյութն ամբողջությամբ՝ սկզբնաղբյուր կայքում: