Կենտրոնական ընտրական հանձնաժողովը այսօր կայացած նիստում քննում էր «Զարթոնք» ազգային-քրիստոնեական կուսակցության դիմումը՝ «Քաղաքացիական պայմանագիր» կուսակցության ընտրական ցուցակի գրանցումն ուժը կորցրած ճանաչելու հարցով դատարան դիմելու մասին:
Հիշեցնենք, որ «Զարթոնք» ԱՔԿ-ն դիմել էր ԿԸՀ-ին, քանի որ Նիկոլ Փաշինյանի կողմից ատելության, բռնության կոչեր ներկայացնելու պատճառով չի ապահովվում ազատ ընտրությունը:
ԿԸՀ-ն մերժեց «Զարթոնք» ԱՔԿ-ի դիմումն այն հիմքով, որ դրանք քարոզչական բնույթի հայտարարություններ են, իսկ այդ դաշտ ԿԸՀ-ն չի ցանկանում մտնել։
Թեև ԿԸՀ-ում չեն հերքում, որ ատելության և բռնության կոչեր եղել են։
Այս առիթով Արա Զոհրաբյանի մեկնաբանությունները կներկայացնենք ավելի ուշ։
Կարդացեք նաև
ԿԸՀ դիմում էր ներկայացրել նաև ՍԴ աշխատակազմի նախկին ղեկավար Էդգար Ղազարյանը, որպեսզի ՔՊ ցուցակի առաջին տեղը զբաղեցնող Նիկոլ Փաշինյանի գրանցումն անվավեր ճանաչվի, ելնելով նրանից, որ նա առաջադրվել է իբրև վարչապետի պաշտոնակատար, իսկ վարչապետի պաշտոնակատար ինքն է իրեն հռչակել՝ Սահմանադրության խախտումով։
ԿԸՀ-ն մերժեց Էդգար Ղազարյանի դիմումի քննարկումը, քանի որ վերջինս նման դիմում ներկայացնելու իրավասություն չուներ։
Այլ մանրամասները` տեսանյութում
Նելլի ԳՐԻԳՈՐՅԱՆ
