Այսօր Գյումրիում փոխվարչապետի պաշտոնակատար Տիգրան Ավինյանը, խոսելով հանդուրժողական մթնոլորտի վերականգման մասին, ասաց․
«Հույս ունեմ, որ բոլոր քաղաքական ուժերը կլինեն կառուցողական այս առումով։ Այնուամենայնիվ պիտի ֆիքսենք, որ հանցագործությունները չեն ներվելու, սա չի նշանակում հանդուրժողականություն հանցագործների նկատմամբ, սա նշանակում է հանդուրժողականություն այլ քաղաքական հայացքներ ունեցող անձանց նկատմամբ։
Այստեղ կարևոր տարանջատում կա․ հանցագործությունը և քաղաքական հայացքները չպետք է միախառնվեն և հանցագործության համար պոտենցիալ պատիժ կրող անձը չպետք է մեկնաբանի որպես քաղաքական հետապնդում։ Հասարակությունը կարծում եմ շատ ադեկվատ է գնահատում, հանցագործությունը հանցագործություն է, դրա համար հանցագործը պիտի պատիժ կրի։
Բայց ինչ վերաբերում է քաղաքական այլ հայացքներ ունեցողներին, ես համոզված եմ, որ մեր քաղաքական ուժը միանշանակ պատրաստ է ձեռք մեկնել բոլոր ուժերին՝ և՛ խորհրդարանական, և՛ արտախորհրդարանական։
Կարդացեք նաև
Գիտեք շատ հանդիպումներ են տեղի ունեցել վարչապետի և արտախորհրդարանական ուժերի միջև, ես կարող եմ շատ դրական գնահատել այդ պրոցեսը․ և միանշանակ դա խոսում է հանդուրժողականության վերականգման մթնոլորտի մասին։ Այդ հնարավորությունը չպետք է բաց թողնենք»։
Նունե ԱՐԵՎՇԱՏՅԱՆ
