ՀՀ սահմանադրական դատարանն այսօր հրապարակեց «Հայաստան» եւ «Պատիվ ունեմ» դաշինքների, «Զարթոնք» ու «Հայոց հայրենիք» կուսակցությունների՝ 2021թ․ հունիսի արտահերթ խորհրդարանական ընտրությունների արդյունքները վիճարկող դիմումների վերաբերյալ որոշումը։
Այս գործով պատասխանող կողմերն էին ԿԸՀ-ն, հարակից պատասխանողները՝ ՀՀ դատախազությունը, ոստիկանությունը, ՀՀ հեռուստատեսության եւ ռադիոյի հանձնաժողովը, երրորդ անձը՝ «Քաղաքացիական պայմանագիր» կուսակցությունը։ Ըստ այդմ, սահմանադրական դատարանը որոշեց․
1-ԿԸՀ-ի՝ 2021թ․-ի հունիսի 27-ի՝ ՀՀ ազգային ժողովի հունիսի քսանի արտահերթ խորհրդարանական ընտրությունների արդյունքներն ամփոփելու մասին թիվ 184 Ա որոշումը թողնել ուժի մեջ։
Կարդացեք նաև
2-Սույն որոշումը վերջնական է եւ ուժի մեջ է մտնում հրապարակման պահից։
Այսքանով նիստը համարվեց փակված։ Որոշման ամբողջական տեքստը եռօրյա ժամկետում կտեղադրվի ՍԴ կայքում։ Ընթերցվածը որոշման եզրափակիչ մասն էր։
Լուիզա ՍՈՒՔԻԱՍՅԱՆ
