Լրագրողների հարցին՝ ինչու արդարադատության նախարարի պաշտոնակատար Ռուստամ Բադասյանն արդեն որերորդ անգամ չի մասնակցում կառավարության նիստերին, արդարադատության փոխնախարար Քրիստինե Գրիգորյանը պատասխանեց. «Դա պայմանավորված էր նրանով, որ պարոն Բադասյանը նախորդ շաբաթը ՍԴ-ում էր, հիմա մեկ շաբաթով արձակուրդ է մեկնել եւ վերադառնալու է երեքշաբթի օրվանից»:
Քրիստինե Գրիգորյանը հարցերին պատասխանեց կառավարության նիստից հետո տեղի ունեցած ճեպազրույցում:
Փոխնախարարից հետաքրքրվեցին՝ Ռուստամ Բադասյանը շարունակելո՞ւ է պաշտոնավարել որպես արդարադատության նախարար, թե գնալու է ՊԵԿ, տիկին Գրիգորյանը պատասխանեց. «Այդ հարցի հետ կապված պարոն Բադասյանը կամ որեւէ մամուլի հաղորդագրություն կունենանք անպայման՝ հենց պահը կլինի նպատակահարմար:
Հիշեցնենք, որ օրեր առաջ լուր տարածվեց, որ ՊԵԿ ներկայիս ղեկավար Էդվարդ Հովհաննիսյանը հրաժարականի դիմում է գրել:
Կարդացեք նաև
Հարցին՝ ըստ լուրերի, արդարադատության նախարարի՝ իշխանության թեկնածուն Մարդու իրավունքների նախկին պաշտպան Կարեն Անդրեասյանն է, կաշխատե՞ք նրա հետ, Քրիստինե Գրիգորյանն ի պատասխան ասաց. «Որեւէ բան այս պահին չեմ կարող ասել: Պարոն Անդրեասյանի հետ, եթե առիթը կայանա, այո, կաշխատեմ»:
Լուսինե ԲՈՒԴԱՂՅԱՆ
