Հայաստանի, Վրաստանի և Ադրբեջանի համագործակցությունը կարևոր է՝ Հարավային Կովկասում ամուր խաղաղություն և զարգացում ապահովելու համար: Այս մասին, ինչպես հաղորդում է Trend-ը, հայտարարել է ԵԱՀԿ գործող նախագահ Անն Լինդեն անվտանգության հարցերով ամենամյա համաժողովում:
Լինդեն նշել է, որ 2020թ. ձեռք բերված կրակի դադարեցումը վերջ է դրել հայ-ադրբեջանական պատերազմին, և ԵԱՀԿ-ն պետք է օգտագործի այդ պահը՝ իր ջանքերը տարածաշրջանում վերականգնելու համար:
Լինդեն նշել է, որ շատ կարևոր է երկարաժամկետ լուծում գտնել եղած խնդիրներին:
Ընդգծելով Հայաստանի, Վրաստանի և Ադրբեջանի միջև համագործակցությունը՝ Լինդեն ասել է, որ համագործակցության ոլորտները կարող են ներառել ենթակառուցվածքները, կապի և շրջակա միջավայրի հարցերը:
Կարդացեք նաև
«Իմ հատուկ ներկայացուցիչը գործակցում է այդ երեք երկրների հետ, և մենք գնահատում ենք երեք երկրների կառուցողական մոտեցումը»,- ասել է Լինդեն:
Պատրաստեց՝ Վիկտորյա ԱՆԴՐԵԱՍՅԱՆԸ
