«Մի արեք «արյունոտ ձեռքեր» արտահայտությունը։ Այն մարդիկ, որոնք պատերազմի ընթացքում առնվազն տեսել են անկազմակերպվածությունը, երբեք թույլ չեն տա, որ դուք խոսեք արյունոտ ձեռքերից»,-ԱԺ լիագումար նիստում այսօր արձագանքելով խորհրդարանի նախագահ Ալեն Սիմոնյանի՝ «Հայաստան» դաշինքի պատգամավոր Արամ Վարդեւանյանին ուղղված՝ «արյունոտ ձեռքերի» մասին արտահայտությանը՝ ասաց «Պատիվ ունեմ» դաշինքի պատգամավոր Հայկ Մամիջանյանը։
Նա նշեց, որ իշխանությունը խոսում է նախորդների ընտրակեղծարարություններից, Լեւոն Տեր-Պետրոսյանի օրոք տեղի ունեցած ընտրություններն անվանում կեղծված, մինչդեռ իրենց առաջնորդ Նիկոլ Փաշինյանը ժամանակին որպես ընդդիմադիր հենց Տեր-Պետրոսյանի կողքին էր։
Հայկ Մամիջանյանը օրինակներ բերեց, թե ինչի համար էին ժամանակին պայքարում ներկայիս իշխանավորները, եւ հիմա ինչ ունենք իրականում․ «Լենա Նազարյանը որպես բնապահպան էր հանդես գալիս, իսկ վերջերս ֆիզգորոդոկում ծեծում էին ակտիվիստներին։ Պարոն Արշակյանը մեծ պայքար էր տանում կուտակային համակարգի դեմ, որը ողջ ծավալով ներդրվում է»։
Մամիջանյանը դիմեց իշխանությանը․ «Խորհուրդ տամ, որովհետեւ ոնց հասկացա՝ ընտրական օրենսգրքում փոփոխություններ եք ուզում անել։ Ադրբեջանական անձնագրերով անձանց էլ թողեք քվեարկեն․ այնտեղ ձեր առաջնորդն ահագին ձայներ ունի»։
Կարդացեք նաև
Լուիզա ՍՈՒՔԻԱՍՅԱՆ
