«Պատերազմից մեկ տարի անց ցավը ուրեւէ կերպ չի մեղմվել, ողջ գիշեր Եռաբլուրում եմ եղել, ցավ եմ ապրում, որ մեր կողքին սեւազգեստ մայրերի քանակն այսչափ ավելացավ, ցավը մեծ է, կորուստն՝ անդառնալի: Ճակատագիրը կրկին մայրերին սեւ հագցրեց: Այս մասին «Իրավունքի» հետ զրույցում նշեց «Զինվորի մայր» ՀԿ նախագահ Մարգարիտա Խաչատրյանը:
Ըստ Մարգարիտա Խաչատրյանի` սեպտեմբերի 21-ին տեղի ունեցած գունագեղ միջոցառումն իսկական խայտառակություն էր: «Ես ինչպե՞ս կարող էի մասնակցել այդ միջոցառմանը, չէր կարող այդպիսի բան լինել: Ի՞նչն էին տոնում սեպտեմբերի 21-ին, արյան գնով ձեռք բերված եւ տանուլ տված անկախությո՞ւնը: Ի՞նչ տոնակատարություն, Դուք հայրենիքը հանձնել եք թուրքին»:
Մեր զրուցակցի կարծիքով` ողբացող մոր համար տոնակատարություն լինել չի կարող: «Նիկոլ Փաշինյանին բազմիցս խոչընդոտել ենք, որպեսզի նա Եռաբլուր ոտք չդնի: Հենց այդ ժամանակ էլ նրա աջակիցներն ինձ շշով գլխիս հարվածեցին, ինչից հետո քայլել չեմ կարողանում», – նշում է Մարգարիտա Խաչատրյան:
Հայկ ԳԵՎՈՐԳՅԱՆ
Հոդվածն ամբողջությամբ՝ «Իրավունք» թերթի այսօրվա համարում:
