Մարդու իրավունքների եվրոպական դատարանն այսօր երկու վճիռ է հրապարակել 2014թ. Ադրբեջանի կողմից գերեվարված և խոշտանգված Վերին Կարմիրաղբյուր գյուղի բնակիչ Մամիկոն Խոջոյանի և Չինարի գյուղի բնակիչ Կարեն Պետրոսյանի (լուսանկարում) գործերով: Երկու դեպքերում էլ դատարանը վճռել է, որ Բաքուն խախտել է հայ գերիների կյանքի, խոշտանգումներից ու խտրականությունից զերծ մնալու,ազատության և անձնական անձեռնմխելիության իրավունքները:
«Պետրոսյանն ընդդեմ Ադրբեջանի» գործով դատարանը պարտավորեցրել է Ադրբեջանին 3 ամսվա ընթացքում հայցվոր կողմին վճարել 40000 եվրո որպես բարոյական վնասի փոխհատուցում, և 8,37 եվրո՝ որպես կատարված ծախսերի փոխհատուցում:
Մամիկոն Խոջոյան
Խոջոյանի գործով դատարանը պարտավորեցրել է Ադրբեջանին հայցվոր կողմին վճարել 40000 եվրո ՝ որպես բարոյական վնասի փոխհատուցում:
Հիշեցնենք, Մամիկոն Խոջոյանը մահացել էր Հայաստան վերադարձվելուց կարճ ժամանակ անց, Կարեն Պետրոսյանը՝ հենց գերեվարության մեջ՝ Ադրբեջանում:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
