Տաշքենդում ավարտվեց ծանրամարտի աշխարհի առաջնությունը: Մրցահարթակը վերջինը տրամադրվեց տղամարդկանց գերծանր՝ +109 կգ քաշայիններին: Հայաստանն այս քաշային կարգում ներկայացնում էին Վարազդատ Լալայանը եւ Գոռ Մինասյանը:
Վրաստանը ներկայացնող Լաշա Տալախաձեն սովորականի պես մրցակցությունից դուրս էր: Նա գերազանց կատարեց բոլոր մոտեցումները եւ երկամարտի 492 (225+267) կգ ֆանտաստիկ արդյունքով նվաճեց աշխարհի չեմպիոնի տիտղոսը: Այս պարագայում ստացվեց այնպես, որ մեր ծանրորդները պայքարում էին մրցանակային հաջորդ երկու տեղերը միմյանց միջեւ բաժանելու համար:
Վարազդատ Լալայան
Հաջողությունն ուղեկցեց երիտասարդ Վարազդատ Լալայանին: Պոկումում ցույց տված 211 կգ, հրումում՝ 246 կգ եւ երկամարտի 457 կգ արդյունքները նրան բերեցին երեք արծաթե մեդալներ:
Գոռ Մինասյան
Գոռ Մինասյանը պոկում վարժությունում 205 կգ-ով բավարարվեց 4-րդ տեղով, իսկ ահա հրումում բարձրացրեց 243 կգ՝ դառնալով փոքր բրոնզե մրցանակակիր, իսկ երկամարտի 448 կիլոգրամով արժանացավ աշխարհի առաջնության բրոնզե մեդալակրի կոչմանը:
Կարդացեք նաև
Աշոտ ՀԱԿՈԲՅԱՆ
