«Ապրելու երկիր» կուսակցությունը երթով անցավ Փարաքարի փողոցներով: Հիշեցնենք՝ որ երկուշաբթի՝ դեկտեմբերի 20-ին, «Ապրելու երկիր» կուսակցությունը հաղորդագրություն է տարածել, որ Փարաքար խոշորացված համայնքում համայնքի ղեկավար է ընտրվել «Ապրելու երկիր» կուսակցության թեկնածու Վոլոդյա Գրիգորյանը։ Սակայն իր ֆեյսբուքյան էջում «Դավիթ Մինասյան» դաշինքի առաջնորդ Դավիթ Մինասյանը հայտնել էր. «Նիստի ընթացքում ստանալով 51%-ից ավելի ձայն՝ (21 ավագանու անդամներից 11 ավագանու անդամ քվեարկեց «Դավիթ Մինասյան» խմբակցության կողմից առաջադրված թեկնածուի օգտին) ես՝ Դավիթ Մինասյանս, ընտրվեցի Փարաքար խոշորացված համայնքի ղեկավար»:
«Դավիթ Մինասյան» դաշինքը բողոքարկել է համայնքի ղեկավարի ընտրության արդյունքները։
Այնուամենայնիվ, Վոլոդյա Գրիգորյանի երդմնակալության արարողությունը տեղի ունեցավ, սակայն ոստիկանները նրան թույլ չտվեցին մտնել համայնքապետարան։
A protest action on the results of the local self-government elections took place in Parakar community of Armenia
Երթից հետո նրանք վերադարձան համայնքապետարան, սակայն ոստիկանները մուտքի առաջ էին։
Կարդացեք նաև
«Ապրելու երկիր» կուսակցության համահիմնադիր Մանե Թանդիլյանը հորդորեց նրանց ազատել շենքը. «Եթե ոչ, ուրեմն՝ մենք կիրացնենք մեր իրավունքը՝ ոչ բռնի անհնազանդության տեսքով»։
Այնուհետև քաղաքացիները փակեցին դեպի օդանավակայան տանող ճանապարհը, ոստիկանները հորդորեցին նրանց բացել ճանապարհը։ Մանե Թանդիլյանը ասաց, թե քանի դեռ համայնքապետարանի առաջ կանգնած ոստիկանները չեն ազատել համայնքապետարանը, ժողովուրդը կարող է իր կամքը արտահայտել։ Ոստիկանությունը փորձեց ազատել ճանապարհը։
Clashes between the protesters and policemen took place during a protest action against the results of the local self-government elections in Parakar community of Armenia
Clashes between the protesters and policemen took place during a protest action against the results of the local self-government elections in Parakar community of Armenia
Clashes between the protesters and policemen took place during a protest action against the results of the local self-government elections in Parakar community of Armenia
Clashes between the protesters and policemen took place during a protest action against the results of the local self-government elections in Parakar community of Armenia
Ոստիկանները սկսեցին բերման ենթարկել քաղաքացիներին։ Քաղաքացիները շրջապատել էին ոստիկանության մեքենաներից մեկը, և քաղաքացիները բացեցին մեքենայի դռները, որպեսզի մեքենայում գտնվող քաղաքացիները դուրս գան։ Ոստիկաններից մեկը փորձեց փակել դուռը այն պահին, երբ քաղաքացին դուրս էր գալիս մեքենայից, այդպիսով՝ դռով հարված հասցրեց քաղաքացու գլխին։
Սկսվեց քաշքշուկ ոստիկանների և քաղաքացիների միջև։ 7 քաղաքացի է բերման ենթարկվել՝ ըստ ոստիկանության պատճառաբանության. Վարչական իրավախախտումների վերաբերյալ օրենսգրքի 182-րդ հոդվածի հիմքով՝ ոստիկանների օրինական պահանջը չկատարելու համար։
Քաղաքացիները շուտով հեռացան խաչմերուկից և քայլեցին դեպի համայնքապետարանի շենքը։
Ամի ՉԻՉԱԿՅԱՆ
