Այս տարի Հայոց Բանակի կազմավորման 30-ամյա հոբելյանի տոնակատարությունները հիմնականում կրում էին հոգևոր շեշտադրում և ծավալվեցին եկեղեցու շուրջ։
Հունվար 27-ին մասնակցությամբ ՊԲ գնդերեցների և զինվորականների, Արցախի թեմի հոգևորականները թեմակալ եպիսկոպոսի առաջնորդությամբ, մայրաքաղաք Ստեփանակերտի և շրջկենտրոնների հուշահամալիրներում կատարեցին հոգեհանգստյան արարողություններ, իսկ հունվարի 28-ին բոլոր գործող եկեղեցիներում կատարվեց Հանրապետական մաղթանք` մեր երկրի և բանակի անսասանության համար։
Ստեփանակերտի հուշահամալիրում և Մայր Տաճարում արարողությունները հանդիսապետում էր թեմի առաջնորդ Տեր Վրթանես եպիսկոպոս Աբրահամյանը։
Սրբազան հայրը իր խոսքում նշեց, որ այս օրը մեր համար նվիրական օր է, որովհետեւ բանակը դարձավ այն վեմը, որի վրա կառուցվեց մեր անկախ պետականությունը։ Այսօր մեր երկիրն ու բանակը վիրավոր են, բայց եթե լինենք միասնական և դառնանք դեպի Աստված, կկարողանանք կերտել նորանոր հաղթանակներ։
Կարդացեք նաև
Աստված օրհնի Հայոց Բանակը
ՀԱՍԵ Արցախի թեմ
