Ռուսաստանի պաշտպանության նախարարությունից հայտնել են, որ իրենց տրամադրության տակ կան գաղտնի փաստաթղթեր, ըստ որոնց՝ մարտին Ուկրաինան նախապատրաստվում էր ուժային գործողություն սկսել Դոնբասում:
«Իրականացված հատուկ ռազմական գործողության արդյունքում ռուս զինծառայողների տրամադրության տակ են հայտնվել Ուկրաինայի Ազգային գվարդիայի հրամանատարության փաստաթղթերը: Այդ փաստաթղթերը հաստատում են, որ Կիևի ռեժիմը 2022թ. մարտին գաղտնի նախապատրաստում էր Դոնբասում հարձակողական գործողություն»,- այսօր տեղի ունեցած ճեպազրույցում ասել է Ռուսաստանի ՊՆ պաշտոնական ներկայացուցիչ Իգոր Կոնաշենկովը:
Նրա խոսքով՝ հրամանը թվագրված է 2022թ. հունվարի 22-ին Ուկրաինայի Ազգային գվարդիայի հրամանատար, գեներալ-գնդապետ Նիկոլայ Բալանի անունով:
«Փետրվարի 24-ից Ռուսաստանի զինված ուժերի կողմից անցկացվող հատուկ ռազմական գործողությունը կանխեց և խաթարեց այս տարվա մարտին Ուկրաինայի հարվածային զորքերի լայնածավալ հարձակումը Կիևի վերահսկողությունից դուրս գտնվող Լուգանսկի և Դոնեցկի ժողովրդական հանրապետությունների վրա»,- ասել է Կոնաշենկովը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
