Երեւան քաղաքի առաջին ատյանի ընդհանուր իրավասության դատարանի դատավոր Արթուր Մկրտչյանը Կենտրոն նստավայրում հրապարակեց ադրբեջանագետ Արմինե Ադիբեկյանի գործով դատավճիռը, որով որոշեց հանցակազմի բացակայության հիմքով դադարեցնել երկու դրվագներով քրեական հետապնդումը եւ վերացնել Արմինե Ադիբեկյանին 2022 թվականի հունվարի 12-ի որոշմամբ ընտրված ստորագրություն չհեռանալու մասին խափանման միջոցը:
Հիշեցնենք, որ Արմինե Ադիբեկյանին մեղադրանք էր առաջադրվել ծանր վիրավորանք հասցնելու համար։
Նա մեղադրվում էր քրեական օրենսգրքի 137.1-ի 2-րդ մասով (ծանր վիրավորանքը, որը կատարվել է տեղեկատվական կամ հաղորդակցական տեխնոլոգիաներն օգտագործելով կամ հրապարակային այլ եղանակով՝ անձի հանրային գործունեությամբ պայմանավորված):
Ադրբեջանագետն արարքը կատարել էր 2021թ. հոկտեմբերի 7-ին՝ Նիկոլ Փաշինյանի անձի գրքից վերցված 1 բառ պարունակող մեկնաբանությամբ՝ ՔՊ ողջ վերնախավը պատկերող լուսանկար հրապարակելով իր ֆեյսբուքյան էջում։
Կարդացեք նաև
Աշոտ ՀԱԿՈԲՅԱՆ
