Ինչպես արդեն տեղեկացրել ենք, հուլիսի 27-ին տեղի ունեցավ Դատավորների ընդհանուր ժողովը, որի ընթացքում նախատեսված էր Բարձրագույն դատական խորհրդի անդամի ընտրությունը։
Ընդհանուր ժողովը փակ էր լրագրողների համար։
Լիլիթ Շաբոյանի լուսանկարը՝ համացանցից
Ուստի քիչ առաջ Բարձրագույն դատական խորհրդի աշխատակազմի մամուլի և հասարակայնության հետ կապերի ծառայության պետ Լիլիթ Շաբոյանից հետաքրքրվեցինք՝ ո՞վ է ընտրվել ԲԴԽ անդամ։ Նա պատասխանեց․ «Փակ, գաղտնի քվեարկության արդյունքում Բարձրագույն դատական խորհրդի դատավոր անդամ ընտրվեց Նաիրա Հովսեփյանը» (լուսանկարում):
Հիշեցնենք՝ Նաիրա Հովսեփյանը 44-օրյա արցախյան պատերազմում զոհված Գեւորգ Արշակյանի մայրն է։ Նա Վճռաբեկ դատարանի դատավորների ընտրության հարցով նիստի ժամանակ՝ որպես դատավորի թեկնածու ազդեցիկ ելույթ էր ունեցել ԱԺ-ում։ Սակայն ԱԺ-ում քվեարկության ժամանակ 26 տարվա դատավոր Նաիրա Հովսեփյանին ՔՊ-ն չընտրեց որպես Վճռաբեկ դատարանի դատավոր։
Կարդացեք նաև
Տաթև ՀԱՐՈՒԹՅՈՒՆՅԱՆ
