Երեւանի ընդհանուր իրավասության դատարանի «Կենտրոն» նստավայրում դատավոր Մեսրոպ Մակյանի նախագահությամբ ընթանում է Նորք-Մարաշի զինված խմբավորման գործով դատական նիստը:
Մեսրոպ Մակյան
Գործն արդեն ավարտական փուլում է: Լսվում են պաշտպանական կողմի ճառերը, այնուհետեւ ռեպլիկով հանդես կգա մեղադրող կողմը, որին պետք է հաջորդի դատական ակտի հրապարակմանը:
Գործում ներգրավված են 20 ամբաստանյալներ: Նրանք մեղադրվում են 2015 թվականի նոյեմբերին իշխանությունը զենքով յուրացնելու հանցակազմի նախապատրաստության մեջ:
Ազատամարտիկ Վլադիմիր Առաքելյանի փաստաբան Լուսինե Զեյնալյանը Aravaot.am-ին ասաց. «Սկզբում փորձ էր կատարվում ապացուցելու, որ այս խմբի կազմի անդամները փորձել են խոցել Սերժ Սարգսյանի ինքնաթիռը թռիչքի ժամանակ, այն էլ՝ զավեշտալի պայմաններում եւ զավեշտալի զենքերով: Զենքերը հետազոտվել են: Հետագայում դա չհիմնավորվեց եւ հետագայում դրվեց նախապատրաստություն՝ զենքերով կայուն բանդայի կազմում իշխանության յուրացում մեղադրանքը»:
Կարդացեք նաև
Հիշեցնենք, որ մեղադրող կողմը զինված խմբի անդամների համար պահանջում է 9-13 տարվա ազատազրկում:
Աշոտ ՀԱԿՈԲՅԱՆ
