Աննա Ազնաուրի գրառումը LinkedIn-ում.
«ՅՈՒՆԵՍԿՕ-ի հովանու ներքո, Ադրբեջանն այս ուրբաթ օրը՝ 2022 թվականի սեպտեմբերի 23-ին, Փարիզում կազմակերպում է ընդունելություն «Հայաստանում ադրբեջանական մշակութային ժառանգության ոչնչացման» թեմայով:
Հարց. Արդյո՞ք նրանք կներկայացնեն 2022 թվականի սեպտեմբերի 13-ի իրենց հարձակման արդյունքները Հայաստանի վրա որպես հայերի կողմից ոչնչացված ադրբեջանական ժառանգություն: Երկօրյա այս հարձակման ընթացքում զոհվեց 135 հայ զինվոր, վիրավորվեց 293-ը, պատանդ վերցվեց 20-ը։ Բացի այդ, ադրբեջանական գնդակոծության հետևանքով և նախնական տվյալներով 3 մարզերի (Գեղարքունիք, Վայոց ձոր և Սյունիք) 36 բնակավայրերում լրջորեն վնասվել է 192 բնակելի տուն, Սոթք, Կութ և Ջերմուկ բնակավայրերում ամբողջությամբ ավերվել են վարչական շենքեր, հրկիզվել է 40 հա խոտածածկ տարածք, 10 հա գարու և 70 հա ցորենի արտ, և ավելի քան 2500 բնակիչ կորցրել է իր ողջ ունեցվածքը։ Նկատենք, որ եթե Բաքվի բռնապետը շատ գոհ է թվում այս կոտորածից, ապա նրա ժողովուրդը զայրույթից է եռում։ Դրա պատճառը. մոտ 300 ադրբեջանցի զինծառայող է զոհվել սեփական երկօրյա հարձակման ժամանակ: Նրանց թվում անհավատալի մեծ թվով սպաներ։ «Ինչո՞ւ մենք ավելի շատ մարդկային կորուստներ ունենք, քան հայերը, երբ ավելի հարուստ ենք և ավելի լավ զինված»:
Բողոքում է ժողովուրդը. Զոհված զինվորի եղբոր ցուցմունքը բացատրում է. «Մեր ընտանիքը 3500 դոլար կաշառք էր տվել, որպեսզի նա միանա Կոմանդոյի այս հեղինակավոր էլիտար ստորաբաժանմանը…»: Ադրբեջանի ՊՆ հրավիրված 25-ամյա երիտասարդն արագ հերքել է իր խոսքերը։ Հասկանալի է, թե ինչու… Սրան գումարվում են 2020 թվականին Լեռնային Ղարաբաղում 44-օրյա պատերազմին մասնակցած ադրբեջանցի զինվորների շղթայական ինքնասպանությունները: Արդյո՞ք հայերի սեպտեմբերի 13-ի այս նոր ագրեսիան կառավարության կողմից դիվերսիոն մանևր է` ադրբեջանցիների ուշադրությունը հարևանի վրա կենտրոնացնելու, այլ ոչ թե իրենց երկրին պատուհասած կոռուպցիայի և աղքատության վրա: Տիկին Օդրի Ազուլեյ (ՅՈՒՆԵՍԿՕ-ի տնօրեն) պատրաստվու՞մ եք մասնակցել ադրբեջանցի դիվանագետների ընդունելությանը: Նրանց քարոզչությանը հավանություն տալը հավասարազոր է անմեղների համար մահապատիժ ստորագրելուն: »
Կարդացեք նաև
Ահա թե ինչ է պատասխանել ՅՈՒՆԵՍԿՕ-ն LinkedIn-ում 2022 թվականի սեպտեմբերի 18-ին, ժամը 21:35-ին տեղադրված այս գրառմանը. « Խնդրում ենք նկատի ունենալ, որ այս միջոցառումը ոչ մի կերպ չի կազմակերպվում ՅՈՒՆԵՍԿՕ-ի կողմից, որը դրա մասնակից չէ: Ավելին, այն անցկացվում է ոչ թե ՅՈՒՆԵՍԿՕ-ում, այլ Ադրբեջանի դեսպանատանը (1 av Charles Floquet, 75007 Paris): »
ՅՈՒՆԵՍԿՕ-ից ոչ մի արձագանք չստացվեց նրանց մեկնաբանությունից հետո մեր այս պատասխանին. « Ինչո՞ւ է այս հրավերը կրում ՅՈՒՆԵՍԿՕ-ի լոգոտիպը, որը հաստատում է խնդրո առարկա ընդունելության հարգելի բնույթը, մինչդեռ դրա բովանդակությունը հակասում է ձեր կազմակերպության վեհ արժեքներին: Հիշեցնում եմ ձեզ, որ ՅՈՒՆԵՍԿՕ-ն ՄԱԿ-ի մի մասն է և, որպես հետևանք, պետք է համապատասխանի նրա հիմնադիր սկզբունքներին, այն է՝ հարգանք մարդկային արժանապատվության, խաղաղության և հանդուրժողականության նկատմամբ: Սակայն, որպես ագրեսոր երկիր, Ադրբեջանը 2016 թվականից արհամարհում է այդ արժեքները՝ անընդհատ հարձակվելով Լեռնային Ղարաբաղի և բուն Հայաստանի հայ ժողովրդի վրա։ Հանցավոր վերաբերմունք, որն իրեն օրինականացնում է պատկառելիության ֆասադի հետևում, որը ձեր կազմակերպությունն ապահովում է այս ագրեսոր երկրի կեղծ քարոզչությանը: Այո, նրանց երեկոն ձեր տարածքում չէ, բայց այն կազմակերպվում է ՅՈՒՆԵՍԿՕ-ի հովանու ներքո գտնվող դիվանագիտական ներկայացուցչության կողմից: Ուստի նշանակում է, որ այն ստանձնում է ձեր հաստատության պատասխանատվությունը:
Հարց. Տիկին Օդրի Ազուլեյը կմասնակցի խնդրո առարկա միջոցառմանը և կհամաձայնի՞ հարցազրույց տալ հայկական մամուլին իր մասնակցության պատճառների վերաբերյալ»:
