ՌԴ Անվտանգության խորհրդի փոխնախագահ, ՌԴ նախկին նախագահ Դմիտրի Մեդվեդևը տելեգրամյան իր ալիքում, մասնավորապես, գրել է.
«Նախ. Դավաճանները, որոնք այնքան են ատում իրենց երկիրը, որ նրա պարտությունն ու կործանումն են ցանկանում, պետք է համարվեն hostis publicus, հանրային թշնամիներ՝ անկախ նրանց արարքների իրավական որակավորումներից։ Պետության թշնամիներ. այս բնութագիրը պետք է ամրակցվի նրանց, նույնիսկ եթե այդ անձանց նկատմամբ ոչ ոք վարչական կամ քրեական գործ չի հարուցել։
Երկրորդ. Նման անձանց չպետք է թույլ տալ վերադառնալ Ռուսաստան մինչև իրենց կյանքի վերջը։ Նրանք պետք է ամբողջությամբ զրկվեն մեր երկրում եկամտի աղբյուրներից:
Անբարո այս իրավիճակին, երբ դավաճանները, որոնք իրենց երկրի պարտությունն են ցանկանում, բայց միաժամանակ գումար են վաստակում Ռուսաստանի հաշվին, պետք է վերջ տալ մեկընդմիշտ:
Կարդացեք նաև
Երրորդ. Նման անձանց տուն վերադարձը կարող է տեղի ունենալ միայն հրապարակային զղջման, իսկ համապատասխան դեպքերում՝ միայն համաներման կամ ներման դեպքում:
Թեեւ լավ կլինի, որ չվերադառնան»։
