Հարավային Կովկասում արևմտյան երկրների ակտիվացումը լրացուցիչ ապակայունություն է ստեղծում տարածաշրջանում, ինչի մասին մենք բազմիցս նախազգուշացրել ենք: Այս մասին այսօր տեղի ունեցած ճեպազրույցում հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ մեկնաբանելով երեկ Տեղ գյուղի մոտակայքում տեղի ունեցած ռազմական բախումները:
Զախարովան նշել է, թե իրենք զգուշացրել էին, որ Հարավային Կովկասում այլ դերակատարների, կառույցների ներդրումը, որոնք երբևէ չեն զբաղվել տվյալ հակամարտության լուծմամբ, ավելացված արժեք չի ունենա, և չի լինի հայտարարված արդյունքը: Նրա խոսքով՝ արդյունքը կլինի այն, որ կամ կօգտվեն իրավիճակից, կամ կհանգեցնեն սրացման, ապակայունացման և կհեռացնեն նկատվող խաղաղ կարգավորումից:
Զախարովայի խոսքով՝ համապատասխան վերլուծություն, ոչ թե ենթադրություն, Ռուսաստանի ԱԳՆ-ն արել է և նախկինում էլ կիսվել է իր տեսակետով:
«Մենք արդեն դա գնահատել են, կիսվել մեր վերլուծությամբ և կանխատեսել անխուսափելին: Այժմ մենք ցավով ու ափսոսանքով տեսնում ենք տարբեր դրսևորումներ այն բանի, թե ինչպես է արտաքին դերակատարների միջամտությունը, որոնք չունեն հնարավորություն իրենց կառուցողական դրսևորել, լրացուցիչ ապակայունություն ավելացնում»,- ասել է Զախարովան:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
