Այսօր ԱԺ ճեպազրույցի ժամանակ «Պատիվ ունեմ» խմբակցության ղեկավար Հայկ Մամիջանյանը հարցին՝ հնարավո՞ր է, ինչպես ԱԳ նախարար Արարատ Միրզոյանը նշեց, եթե սահմանին սահմանապահներ տեղակայվեն, ապա էսկալացիան կնվազեցվի ու ռազմական գործողությունները կկասեցվեն: Նա պատասխանեց. «Մի տարբերակ կա, իսկ Արարատ Միրզոյանը որտե՞ղ է պատկերացնում, այդ սահմանապահները որտե՞ղ են լինելու: Իրենց որդեգրած քաղաքականության համաձայն՝ նահանջ հավերժ: Ինձ մոտ տպավորություն է, որ ՀՀ գործող կառավարիչները ՀՀ-ի համար մի սահման ունեն՝ կառավարական «դաչեքն» ու վարչապետի կաբինետը, որովհետեւ մենակ դա են պաշտպանում: Մեղմ ասած զարմացած էի, երբ վերջին ագրեսիայի ընթացում ԱԺ շենքից դուրս եկա ու հայտնաբերեցի, որ ԱԺ շենքը պահպանվում է մի քիչ ավելի լավ, քան ՀՀ պետական սահմանը: Չի կարող ՀՀ-ում ու Արցախում լինել անվտանգություն, եթե երկու օր շարունակ ադրբեջանցի մարդասպանը շրջում է ՀՀ տարածքում»:
Նա հիշեցրեց, որ ՔՊ-ականները նշում էին, թե այդ մեկ ադրբեջանցուց վտանգը մեծ չէ, մինչդեռ նա հայ մարդու սպանեց. «Եթե այդ ադրբեջանցի զինյալը մի հատ լայվ մտներ ու ասեր՝ «Նիկոլ դավաճան», այնպես արագ կգտնեին»:
Հռիփսիմե ՋԵԲԵՋՅԱՆ
