Լաչինի միջանցքում անցակետ տեղադրելու Ադրբեջանի որոշումը հակասում է Եվրամիության՝ տարածաշրջանում լարվածությունը նվազեցնելու կոչին: Այս մասին հայտարարել է ԵՄ արտաքին քաղաքականության և անվտանգության հարցերով հանձնակատար Ջոզեպ Բորելը ԵՄ խորհրդի նիստից հետո հրավիրված մամուլի ասուլիսում:
«Մենք քննարկել ենք Ադրբեջանի միակողմանի որոշումը՝ Լաչինի միջանցքում անցակետ տեղադրելու վերաբերյալ, ինչը հակասում է լարվածությունը նվազեցնելու մեր կոչերին»,- ասել է Բորելը՝ ընդգծելով, որ ԵՄ-ը պատրաստ է օգնել Հայաստանին և Ադրբեջանի տարածաշրջանում իրավիճակը կարգավորելու հարցում:
Նա հիշեցրել է, որ հենց այդ նպատակով էլ ԵՄ-ը առաքելություն է տեղակայել Հայաստանի տարածքում:
Պատրաստեց Վիկտորյա ԱՆԴՐԵԱՍՅԱՆԸ
