«Գելափ ինթերնեյշնել ասոցիացիա»-ն հեռախոսային հարցում է իրականացրել 1100 քաղաքացիների շրջանում։
Նիկոլ Փաշինյանի՝ Ադրբեջանի 86600 քառակուսի կիլոմետր տարածքային ամբողջականության ճանաչման, որի կազմում ներառում է Լեռնային Ղարաբաղը, հայտարարությունը հարցված քաղաքացիների 63.4%-ը բացասական է գնահատում, ավելի շուտ բացասական է համարել հարցվածների 18.5%-ը։ Այսինքն, հարցվածների 81.9%-ը Փաշինյանի այդ քաղաքականությունը բացասական է գնահատում։
Ըստ այս հարցման արդյունքների, Փաշինյանի՝ Ադրբեջանի 86600 քառակուսի կիլոմետր տարածքային ամբողջականության ճանաչումը, որի կազմում ներառում է Լեռնային Ղարաբաղը, հայտարարությունը, լիովին դրական է համարել հարցվածների 3.8%-ը, ավելի շուտ դրական՝ 5.4%-ը, դժվարացել պատասխանել 8.9%-ը։
Հնարավո՞ր է Լեռնային Ղարաբաղի հայության գոյատեւումը Ադրբեջանի կազմում որպես ազգային փոքրամասնություն, հարցման մասնակիցների 77.7%-ն այս հարցին պատասխանել է՝ ընդհանրապես հնարավոր չէ, ավելի շուտ հնարավոր չէ՝ 8.7%-ը, այսինքն՝ հարցվածների 86.4%-ը գտնում է, որ Լեռնային Ղարաբաղի հայության՝ Ադրբեջանի կազմում գոյատեւումն անհնար է։ Հարցվածների 2.8%-ը գտնում է, որ Լեռնային Ղարաբաղի հայության գոյատեւումը Ադրբեջանի կազմում միանշանակ հնարավոր է, 5.6%-ը՝ ավելի շուտ հնարավոր է։
Կարդացեք նաև
Նելլի ԲԱԲԱՅԱՆ
