Շուշիի շրջանի կրկնակի շրջափակման մեջ հայտնված Հին Շեն համայնքում նույնիսկ ծանր հիվանդություն ունեցող բնակիչները զրկված են բուժհաստատություններ տեղափոխվելու և համապատասխան բուժօգնություն ստանալու հնարավորությունից։
Այս մասին «Արցախպրեսի»-ի հետ զրույցում նշել է Հին Շեն համայնքի ղեկավար Սամվել Սարգսյանը:
Նրա խոսքով՝ այժմ գյուղում առկա է առաջին անհրաժեշտության դեղորայք որոշակի չափաքանակով, որը կարողացել էին ձեռք բերել մինչև կրկնակի շրջափակումը:
«Այս պահի դրությամբ համայնքում առկա է նաև ալյուր, շաքարավազ, բանջարեղեն: Շուտով Կարմիր Խաչի օգնությամբ նորից պարենամթերք կբերվի։ Արդեն հասունացել են մրգերի որոշ տեսակներ: Մեկ ամիսը կօգտագործենք նաև մեր մշակած բանջարեղենը»,- ասել է մեր զրուցակիցը՝ հավելելով, որ այս տարի ավելացրել են մի շարք մշակաբույսերի՝ այդ թվում կարտոֆիլի ու կանաչեղենի ցանքսը:
Նյութն ամբողջությամբ՝ սկզբնաղբյուր կայքում:
