ԵԽԽՎ նախագահ Թինի Կոխը կոչ է արել Ադրբեջանին բացել Լաչինի միջանցքը, որպեսզի «Ադրբեջանի քաղաքացիները Ղարաբաղում» ապահովվեն օգնությամբ:
Կոխը նշել է, որ բոլորն ընդունում են, որ Լեռնային Ղարաբաղը Ադրբեջանի մաս է՝ հայկական մեծ բնակչությամբ, բայց «դա Ադրբեջանի կառավարությանն իրավունք չի տալիս անել ինչ ուզում է այդ քաղաքացիների հետ»: Նրա խոսքով՝ Լաչինի միջանցքի փակումը հանգեցնում է, կարող է հանգեցնել հսկայական աղետի, այդ տարածքում ապրող հազարավոր մարդկանց համար, որոնք կախված են այդ միջանցքից:
«Միջանցքը փակված է, և դա Ադրբեջանի կողմից սեփական պարտավորությունների խախտում է: Վեհաժողովը խստորեն կոչ է անում Ադրբեջանին հետևել իր պարտավորություններին, վերաբացել միջանցքը, որպեսզի հնարավոր լինի օգնություն հասցնել Լեռնային Ղարաբաղի քաղաքացիներին, Ադրբեջանի տարածքի քաղաքացիներին»,- ասել է Կոխը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
